Víkurfréttir - 15.12.2022, Blaðsíða 37
Skafmiðaleikur Víkurfrétta 2022
Jólalukka
Munið að skila miðum með
engum vinningi í Nettó
Framtíðin er rafmögnuð!
100% rafknúinn strætó, upphafið að rafmagnaðri og grænni framtíð Bus4u
Our future is electrifying!
A 100% elecric bus is now a part of the Bus4u fleet.
Gleðileg jól og farsælt komandi ár
Seasons greetings and a happy new year
Bus4u Iceland ehf. I info@bus4u.is I www.bus4u.is
@bus4uiceland #bus4u_iceland
Axel Friðriksson fagnaði 100 ára
afmæli sínu í síðustu viku með
kaffisamsæti á Nesvöllum í Reykja-
nesbæ. Axel býr í þjónustuíbúð á
Nesvöllum og er hinn sprækasti en
hann hefur verið virkur í húsbíla-
samfélaginu.
Þegar Axel flutti til Suðurnesja
árið 1948 hóf hann störf hjá Karvel
Ögmundssyni og starfaði þar í tíu ár.
Þaðan fór hann til starfa í frystihúsi í
Innri-Njarðvík í átta ár. Starfsferilinn
endaði Axel svo hjá Skipasmíðastöð
Njarðvíkur þar sem hann starfaði í
26 ár. Áður en Axel flutti suður
með sjó bjó hann norður í landi og
starfaði m.a. við vegagerð og einnig
hjá síldarverksmiðjunni á Hjalteyri
Ástæða þess að Axel flutti til
Suðurnesja var atvinnuleysi og því
var bara að fara á vertíð. Að hans
sögn komu vélar mikið við sögu á
starfsævinni.
Axel segist hafa upplifað miklar
breytingar á þessum 100 árum sem
hann hefur lifað og hann fylgst með
uppganginum á Suðurnesjum.
Axel er kunnur í húsbílasamfélaginu
á Íslandi, enda einn af stofnendum
Húsbílafélagsins sem verður 40 ára á
næsta ári. Áður en hann fór að stunda
húsbílaferðir þá var Axel duglegur að
ferðast um landið á jeppum sem hann
átti. Hann fór um allt land og ferðaðist
einn, þar sem hann er bæði ógiftur og
barnlaus. Hann átti m.a. fjóra fram-
byggða Rússa jeppa um ævina sem
voru mikið notaðir í hálendisferðir.
Hann byrjaði m.a. í Húsbílafélaginu á
Rússa jeppa.
Axel lagði húsbílnum fyrir ári
síðan. Ástæðan var ástand bílsins,
sem að að eigin sögn var mun verra
er bílstjórans. Húsbíllinn var orðinn
ryðgaður, enda alltaf geymdur úti.
Axel bjóst ekki við því að fá skoðun
á bílinn í vor.
Axel segir það gera mikið fyrir
sig að fara í húsbílaferðir. Félags-
skapurinn sé góður og á fyrstu árum
Húsbílafélagsins hafi verið bílar
sem auðvelt var að fara með inn á
hálendið. Í dag séu bílarnir annars
konar. Það sé flottara að ferðast í
þeim og allt rúmbetra en áður. Axel
segist hafa farið allar skipulagðar
ferðir Húsbílafélagsins og einnig
margar ferðir á eigin vegum, hvort
sem það var í Landmannalaugar,
Þórsmörk, Fjallabaksleið eða upp á
hálendið. Hann hafi m.a. farið ein-
samall á Gæsavatnaleið. Axel segir
náttúru landsins fallega. Þegar hann
er spurður hvort einn staður sé
uppáhalds, þá segir hann þá marga.
Þórsmörk og Landmannalaugar
komi þó upp í hugann.
Aðspurður hvort hann sé alveg
hættur ferðalögum, orðinn 100 ára
gamall, segist Axel vera spenntur
fyrir því að verða sér út um lítinn bíl
næsta sumar ef heilsan leyfir.
Nánar er rætt við Axel í Suður-
nesjamagasíni Víkurfrétta á
fimmtudagskvöld kl. 19:30 og sýnt
frá móttöku afmælisbarninu til
heiðurs.
Er 100 ára og langar að eignast
lítinn ferðabíl næsta sumar
Hilmar Bragi Bárðarson
hilmar@vf.is
VÍKurFrÉttir á suÐurNesJum // 37