Víkurfréttir - 15.12.2022, Blaðsíða 64
Karen J. Sturlaugsson segir að 17. júní standi upp
úr á árinu sem er að líða. Enda engin furða en þá
veitti forseti Íslands, Guðni Th. Jóhannesson,
henni íslensku fálkaorðuna og sama dag var Kar-
en einnig útnefnd listamaður Reykjanesbæjar
fyrir árin 2022–2026. „Hann stendur að sjálf-
sögðu upp úr, það var risastór dagur,“ segir Karen.
Karen hefur í nægu að snúast en hún
er aðstoðarskólastjóri Tónlistarskóla
Reykjanesbæjar, er stjórnandi Lúðra-
sveitar verkalýðsins og stýrir einnig
Bjöllukór Tónlistarskóla Reykjanes-
bæjar.
„Fólk segir að það hægist um hjá
manni eftir því sem árin færast yfir
– en því er sko ekki þannig háttað hjá
mér,“ segir hún brosandi og bendir
á skrifborðið sitt sem er yfirfullt af
allskyns skjölum og vinnupappírum.
„Yfir jólatímann er vertíð hjá Bjöllu-
kórnum en við höfum spilað með
Sinfóníuhljómsveit Íslands á jóla-
tónleikum frá árinu 2012 – og oftast í
sólóhlutverki. Núna erum við að fara
að spila með Sinfóníunni í Hörpu um
næstu helgi og það verður þá í ellefta
skipti sem við spilum með henni.“
Karen segir að oftast spili Bjöllu-
kórinn frammi í anddyri fyrir gesti
áður en tónleikarnir hefjast og einnig
eftir tónleikana. „Þeim finnst svo
jólalegt að heyra í bjöllunum og það
er þannig, bjöllukórar eru mjög jóla-
legir – enda erum við búin að vera að
æfa jólalög frá því í ágúst.“
Langaði að sameina
þetta tvennt
Karen hefur einnig stýrt Lúðrasveit
verkalýðsins undanfarin ár og hélt
lúðrasveitin tónleika í Stapa í síðasta
mánuði þar sem fram komu nokkrir
einleikarar úr hópi framhaldsnem-
enda Tónlistarskóla Reykjanesbæjar
auk Bjöllukórsins.
Ég fæ að lifa og hrærast
í tónlist alla daga
Karen ásamt Birni Sturlaugssyni, eiginmanni sínum,
þann 17. júní aftir að hafa verið útnefnd listamaður
Reykjanesbæjar þegar þjóðhátíðardeginum var fagnað
í skrúðgarðinum í Reykjanesbæ. Fyrr um daginn hafði
henni verið veitt hin íslenska fálkaorða. VF-mynd: pket
Það eru
svo flottir
krakkar hér í skól-
anum, svo er ég að
vinna með þess-
ari flottu lúðra-
sveit í Reykjavík
og mig langaði
að sameina þetta
tvennt ...
Jólatíminn er vertíð hjá
Bjöllukórnum sem leikur nú í
ellefta sinn á jólatónleikum með
Sinfóníuhljómsveit Íslands.
VF-myndir: JPK
VF-myndir: JPK
Jóhann Páll Kristbjörnsson
johann@vf.is
Félag eldri borgara á Suðurnesjum sendir kærar kveðjur
til félagsmanna sinna með ósk um gleðileg jól
og farsælt nýtt ár sem færir okkur gleði, hamingju
og samverustundir sem allir geta tekið þátt í.
Við bjóðum nýja aðila velkomna sem eru 60 ára +
Umsókn um aðild með nafni, kennitölu og heimilisfangi sendist á netfang:
gjaldkerifebs@simnet.is eða í síma: Loftur 860-4407 og Guðrún 899-0533
Með jólakveðju
Fyrir hönd stjórnar,
Guðrún Eyjólfsdóttir,
formaður
Jólakveðja
64 // VÍKurFrÉttir á suÐurNesJum