Víkurfréttir - 15.12.2022, Blaðsíða 16

Myglað Cheerios eftir-
minnilegasta jólagjöfin
„Hljómsveitin Valdimar náði loksins
að halda tíu ára afmælistónleikana
eftir sí-frestanir,“ segir Þorvaldur
Halldórsson, tónlistarkennari og
trommuleikari Valdimar. Honum
finnst notalegt að hafa jólaskreyt-
ingar og kertaljós heima í skammdeg-
inu á aðventunni.
Hvernig var árið 2022 hjá þér og
þinni fjölskyldu og hvað stendur
upp úr?
Árið hefur verið annríkt, mikið
unnið og yfirleitt nóg að gera. Eftir-
minnilegar eru kannski utanlands-
ferðirnar tvær sem ég fór á árinu;
til Englands í sumar að fylgjast
með kvennalandsliðinu í fótbolta
á EM og svo tónlistarráðstefna
sem ég sótti í Indianapolis í Banda-
ríkjunum í nóvember. Einnig var
gaman að hljómsveitin Valdimar
náði loksins að halda tíu ára af-
mælistónleikana í Hörpu í apríl,
eftir tveggja ára sí-frestanir.
Ert þú mikið jólabarn?
Það vottar alveg fyrir því en allt
mjög hóflegt bara. Finnst notalegt
að hafa jólaskreytingar og kerta-
ljós heima í skammdeginu á að-
ventunni, með góðan kaffibolla og
smákökur.
Hvenær er jólatréð yfirleitt sett
upp á þínu heimili?
Á æskuheimilinu var það alltaf sett
upp og skreytt á Þorláksmessu-
kvöld. Það er reyndar allur gangur
á því núna á mínu heimili. Ætli
það verði ekki sett aðeins fyrr upp
núna fyrir hinn yngri, þriggja ára
húsbóndann.
Hver eru fyrstu jólin sem þú
manst eftir – áttu einhverjar
skemmtilegar jólaminningar?
Man eftir því sem barn að hafa
verið að suða í afa mínum fyrir ein
jólin um að segja mér hvað hann
ætlaði að gefa mér í jólagjöf. Hann
grínaðist alltaf með það að hann
ætlaði að gefa mér myglað Cheerios
... sem ég átti nú erfitt með að trúa.
En svo á aðfangadagskvöld þegar
pakkinn var
rifinn upp þá kom
í ljós stærðarinnar Cheerios pakki
þar sem tússað hafði verið utan á
kassann, MYGLAÐ. Sem betur fer
kom nú hinn raunverulegi pakki
undan trénu síðar um kvöldið.
En skemmtilegar jólahefðir?
Í æsku var það alltaf hefð hjá okkur
systkinum að fara með pabba að
sendast með jólapakka til fjöl-
skyldu og vina á aðfangadag á
meðan að mamma undirbjó jóla-
matinn. Það var alltaf mjög gaman.
Hvenær klárar þú að kaupa jóla-
gjafirnar?
Síðasta gjöfin er yfirleitt keypt á
Þorláksmessukvöld eða jafnvel á
aðfangadag. Ég er alltaf seinn á
ferðinni þegar kemur að gjafainn-
kaupum.
Hvað finnst þér vera ómiss-
andi á jólunum?
Malt og appelsín, örlítil snjó-
koma og einn Jóla Kaldi fyrir
svefninn.
Hver er eftirminnilegasta jóla-
gjöfin sem þú hefur fengið?
Það hlýtur nú að vera fyrr-
nefndur Cheerios jólapakki – en
ég hef fengið margar góðar
ómyglaðar gjafir líka, svo sem
bækur, flíkur og hljóðfæri.
Er eitthvað á óskalistanum fyrir
jólin í ár?
Það er voða fínt að fá einhverja
góða bók. Jú, heyrðu, svo vantar
mig sokka.
Hvað verður í jólamatinn hjá þér
á aðfangadagskvöld? Eru hefðir
í mat?
Léttreyktur lambahryggur með
brúnuðum kartöflum, soðnum gul-
rótum og svo að sjálfsögðu grænum
og rauðkáli og síðan brúnu sósunni
frá mömmu ef mér tekst að fá
uppskriftina frá henni. Svo er það
Toblerone-ísinn á eftir.
Hvað ætlar þú að gera í kringum
jólahátíðina í ár?
Ég ætla að reyna að hafa það sem
allra rólegast heima. Vonandi upp
í sófa með nýju bókina og í nýju
sokkunum sem ég fæ í jólagjöf.
Aðalmálið er að hafa það huggulegt
heima með fjölskyldunni.
Hljómsveitin Valdimar
náði loks að halda tíu ára
afmælistónleika sveitarinnar.
Myndir: Spessi
Jóhann Páll Kristbjörnsson
johann@vf.is
16 // VÍKurFrÉttir á suÐurNesJum
Sendum viðskiptavinum okkar og
Suðurnesjamönnum öllum bestu óskir um
gleðilega jólahátíð
og farsæld á komandi ári!
Þökkum ykkur viðskiptin
á árinu sem er að líða!
Óðinsvöllum 11 • 230 Keflavík • Kt. 450986-1949 • VSK.nr. 9109
Banki: Íslandsbanki 0542-26-82
Leikskólinn Völlur
16