Víkurfréttir - 15.12.2022, Blaðsíða 70

Flestir, hugsanlega allir, sjá jólaað-
ventuna fyrir sér sem tíma til að
njóta og drekka í sig jólaandann í
aðdraganda hinnar heilögu hátíðar
en sumir hafa einfaldlega ekki tæki-
færi til þess sökum annríkis – við að
gera öðrum kleift að gera sig fín(a)
fyrir jólin, það á t.d. við um hár-
snyrtinn Önnu Maríu Reynisdóttur.
Anna klippir og greiðir á hár-
snyrtistofunni Hárstofan í Grindavík
en hún man aðventuna ekki öðruvísi
en sveitt með skærin í hönd, nánast
til kl. 18 á aðfangadegi.
„Ég reyni að hafa sem reglu að
vera búin með þann jólaundir-
búning sem snýr að mér 1. desember
en minn jólaundirbúningur snýr
aðallega að því að kaupa jólagjafir.
Ég hef einfaldlega ekki tíma til að
standa í stórum þrifum og baka
endalausar smákökutegundir en ég
er heppin að því leytinu til að Gaui,
maðurinn minn, er meira heima við í
desember og mamma er mjög góður
bakari. Ég nýt því jólaaðventunnar
á annan máta og kvarta ekkert,
það er mjög gaman að taka þátt í
að gera fólk ánægt með sig áður en
jólahátíðin ber upp. Við spilum jóla-
lögin, bjóðum upp á piparkökur svo
ég nýt aðventunnar líka. Tímarnir
eru breyttir, nú vill fólk gera sig fínt
fyrr en áður því það er svo margt í
boði á aðventunni, jólatónleikar o.fl.
svo húsmóðirin vill frekar vera fín á
þeim tíma frekar en bara sveitt í eld-
húsinu á aðfangadegi,“ segir Anna.
Er búin með jólaundirbúninginn 1. desember
Öðruvísi jól sumra
sökum annríkis
Algirdas Kazulis og Jurgita Kazuliene eru frá Litháen en fluttu til Íslands árið 2005 og búa í dag í innri
Njarðvík. Dóttir þeirra, Biata Jokubauskaite var þá þriggja ára og sonurinn Denas Kazulis fæddist árið
2008. Þau hafa haldið í sínar jólahefðir en þær eru nokkuð frábrugðar þeim íslensku, aðallega vegna
trúarinnar en hinn almenni Lithái er kaþólskur á meðan kristin trú ríkir á Íslandi.
Jurgita fór yfir helsta muninn: „Helsti
munurinn er að við borðum ekki kjöt
á aðfangadegi en okkar trú er þannig
að á miðnætti á aðfangadag, þ.e. milli
24. og 25. desember, þá séu dýrin að
tala sín á milli og þakka fyrir sig. Við
mannfólkið megum alls ekki fara út
og reyna hlusta á dýrin tala, annars
verður okkur refsað. Þess vegna
borðum við ekkert kjöt á aðfanga-
dagskvöldi og við borðum alltaf tólf
rétti, einn fyrir hvern mánuð ársins.
Fiskur er því mjög algengur matur
hjá okkur á aðfangadagskvöldi og
önnur hefð í Litháen er að skilja
matinn eftir á borðum, svo látnir
ástvinir geti komið og borðað líka
eftir að allir aðrir eru farnir að sofa.
Svo er vaknað á jóladegi og gjafirnar
opnaðar.
Alli eins og hann er kallaður, fór
líka yfir hvað skilur íslensku jólin
frá þeim litháensku: „Í Litháen er
bara einn jólasveinn, hann kemur á
jóladagsnóttu og setur jólagjafirnar
undir jólatréð. Denas, sonur okkar,
fæddist hér og því var kannski
pínulítið skrýtið fyrir hann að hitta
krakkana í skólanum sem voru alltaf
að tala um nýjan og nýjan jólasvein
sem setti gjöf í skóinn svo við urðum
að aðlaga okkar jólahefðir að hluta
að þeim íslensku. Í Litháen er lítið
sem ekkert skreytt utandyra en við
höfum tekið upp þá skemmtilegu
íslensku hefð, jólaljósin lýsa upp
skammdegið í desember. Það sem
mér finnst best við íslensku jólin er
hvað það er miklu minna stress hér.
Í Litháen eru allir á fullu fyrir jólin,
mikil umferð og mikið stress en hér á
Íslandi er ekkert stress, okkur finnst
það æðislegt.“
JÓLIN Í ÚTLÖNDUM OG Á ÍSLANDI
Algirdas Kazulis og Jurgita Kazuliene eru frá Litháen en fluttu
til Íslands árið 2005 og búa í dag í Innri-Njarðvík.
Ekkert kjöt á aðfanga-
dagskvöldi í Litháen
Gleðileg jól og farsælt komandi ár
Þökkum viðskiptin á árinu sem eru að líða
•  Fitjabraut 30 • 260 Reykjanesbær • Sími: 420-0040 • GSM: 698-5693 •
Bílasprautun • Réttingar • Sprautulökkun • Plastviðgerðir • Mössun • Bílrúðuskipti
Gleðileg jól og farsælt komandi ár
Þökkum viðskiptin á árinu sem eru að lí
• Brekkustíg 38 • 260 Reykjanesbær • Sími: 420-0040 • GSM: 698-5693 • 
Bílasprautun • Réttingar • Sprautulökkun • Plastviðgerðir • Mössun • Bílrúðuskipti
Ef þú lendir í tjóni
þá sér Bílnet um málin !
Hjá Bílneti færð þú bestu viðgerð og þjónustu sem völ er á.
Bílnet er gæðavottað verkstæði og með 5 stjörnur frá
Sjóvá. Bílnet leggur áherslu á fagleg og snögg vinnubrögð.
Við notum einungis vottað hágæða lakk frá Du Pont í
samstarfi við Poulsen.
Þjónusta í boði hjá Bílnet
Bílasprautun - Bílaréttingar - Tjónaskoðun - Plastviðgerðir
Bílrúðuskipti - Mössun - Sprautulökkun
Bílnet ehf. - 420 0020 - Brekkustíg 38 - 260 Reykjanesbæ - www.bilnet.is
Óskum Suðurnesjamönnum
gleðilegra jóla
og farsældar á nýju ári
Anna María man
aðventuna ekki
öðruvísi en sveitt
með skærin í hönd.
70 // VÍKurFrÉttir á suÐurNesJum