Tímarit lögfræðinga - 01.04.2012, Síða 56


málamarkaða Bandalagsins og auka tiltrú fjárfesta á þessum mörk­
uðum.9 Þar sem ákvæðið um markaðsmisnotkun í vvl. er innleiðing
á ákvæði MAD tilskipunarinnar um markaðsmisnotkun er eðlilegt
að líta til formála tilskipunarinnar hvað þetta varðar.
Með öðrum orðum er banninu ætlað að auka traust almennings
á fjármálamörkuðum.10 Eðli málsins samkvæmt vill almenningur
ekki fjárfesta ef hann getur ekki treyst því að upplýsingar sem liggja
fyrir á markaðinum séu réttar. Því má segja að einföld hagfræðileg
rök liggi til grundvallar banni við markaðsmisnotkun.11
Jafnvel þó að vvl. séu þögul um markmiðið má ráða af staðsetn­
ingu markaðsmisnotkunarákvæðisins í lögunum hvert markmið
bannsins er. Ákvæðið er í XII. kafla vvl. sem ber heitið verðmyndun á
skipulegum verðbréfamarkaði.12 Skilvirk verðmyndun er grunnforsenda
heildarvirkni fjármálamarkaða og slík verðmyndun væri ekki fyrir
hendi ef fjárfestar og almenningur treystu ekki þeim upplýsingum
sem eru til staðar markaðinum. Af þeim sökum er mikilvægt að
banna markaðsmisnotkun á fjármálamörkuðum.13
Við mat á því hvort tiltekin háttsemi falli undir bann við mark­
aðsmisnotkun er vert að hafa í huga ofangreind markmið. Þegar
vafi leikur á um túlkun á ákvæði um markaðsmisnotkun í MAD til­
skipuninni hefur Evrópudómstóllinn beitt markmiðsskýringu. Í ný­
legum dómi Evrópudómstólsins, IMC Securities BV gegn hollenska fjár­
málaeftirlitinu,14 frá 7. júlí 2011 í máli nr. C-445/09, tók dómstóllinn til
skoðunar hvort orðalag síðari málsl. a­liðar 2. mgr. 1. gr. tilskipunar­
innar fæli í sér þá kröfu að gengi viðkomandi fjármálágernings
þyrfti að haldast stöðugt í ákveðinn tíma til að um brot gegn
ákvæðinu gæti verið að ræða vegna orðalagsins að tryggja (e. se­
cure). Ákvæðið er svohljóðandi í íslenskri þýðingu:
9 Á ensku: „The objective of legislation against insider dealing is the same as that of leg­
islation against market manipulation: to ensure the integrity of Community financial mar­
kets and to enhance investor confidence in those markets.“ Sjá til hliðsjónar Jesper Lau
Hansen: Værdipapirhandelsloven med kommentarer, bind 2. Kaupmannahöfn 2010, bls. 413.
10 Sjá til hliðsjónar 2. og 15. forsendu MAD tilskipunarinnar.
11 Sjá til hliðsjónar athugasemdir 10. gr. frumvarps er varð að lögum nr. 31/2005: „Upp­
lýsingar um viðskipti og tilboð sem sýnileg verða markaðsaðilum eru mikilvæg forsenda
verðmyndunar á markaði. Tilboð eða viðskipti sem gefa ekki rétta mynd af framboði, eft­
irspurn eða verði geta því haft alvarlegar afleiðingar fyrir markaðinn og skaðað hann.“
Alþt. 2004­2005, A­deild, bls. 3696.
12 Ákvæðið gildir einnnig um markaðstorg fjármálagerninga (MTF), sbr. 2. mgr. 115. gr.
vvl.
13 Sjá til hliðsjónar umfjöllun Jesper Lau Hansen: Værdipapirhandelsloven med kommentarer,
bls. 413.
14 Stichting Autoriteit Financiële Markten.