Tímarit lögfræðinga - 01.04.2012, Qupperneq 59


tryggt er óeðlilegt verð á viðkomandi fjármálagerningi. Oft er einn­
ig talað um á ensku price positioning eða price fixing. Munurinn á
þessum tveimur meginflokkum er að í fyrri flokknum felst mark­
aðsmisnotkunin í að blekkja markaðinn en í seinni flokknum að
þvinga markaðinn í tiltekna átt. Verður nú vikið stuttlega að hverj­
um flokki fyrir sig hér að neðan.20
3.1 Markaðsmisnotkun í formi upplýsinga
a) Markaðsmisnotkun í formi rangrar upplýsingagjafar
Markaðsmisnotkun í formi rangrar upplýsingagjafar er eitt elsta
form af markaðsmisnotkun í Evrópu.21 Í vvl. er ákvæðið að finna í 3.
tl. 1. mgr. 117. gr. laganna og er svohljóðandi:
[D]reifa upplýsingum, fréttum eða orðrómi sem gefa eða eru líkleg til að
gefa rangar eða misvísandi upplýsingar eða vísbendingar um fjármála­
gerninga, enda hafi sá sem dreifði upplýsingunum vitað eða mátt vita að
upplýsingarnar voru rangar eða misvísandi.
Í seinni málsl. 3. tl. er að finna sérreglu sem gildir um fjölmiðla­
menn. Þegar fjölmiðlamenn miðla röngum eða misvísandi upplýs­
ingum um fjármálagerning ber að meta slíka upplýsingamiðlun
með hliðsjón af starfsreglum þeirra að því gefnu að ekki hljótist
beinn eða óbeinn ávinningur af miðluninni.22
Helsta dæmið um markaðsmisnotkun í formi rangrar upplýs­
ingagjafar nefnist á ensku scalping. Í því felst að taka sér stöðu í fjár­
málagerningi23 eða eftir atvikum í afleiðusamningi sem er tengdur
viðkomandi fjármálagerningi og dreifa í kjölfarið röngum eða mis­
vísandi upplýsingum um fjármálagerninginn í þeim tilgangi að
hafa áhrif á gengi hans og hagnast þannig á gengisbreytingunni.24
20 Sjá umfjöllun um tegundir markaðsmisnotkunar í norskum rétti hjá Knut Bergo: Børs-
og verdipapirrett. Osló 2008, bls. 290­292. Sams konar umfjöllun um þýskan rétt er að finna
hjá Heinz­Dieter Asssmann og Uwe H. Schneider: Wertpapierhandelsgesetz. Köln 2009, bls.
824­827. Umfjöllun um breskan rétt er hjá Emilios Avgouleas: The mechanics and regulation
of market abuse, bls. 118­119. Að lokum má finna umfjöllun um danskan rétt hjá Jesper Lau
Hansen: Værdipapirhandelsloven med kommentarer, bls. 415­428.
21 Sjá t.d. Emilios Avgouleas: The mechanics and regulation of market abuse, bls. 122.
22 Sjá umfjöllun um markaðsmisnotkun í formi rangrar upplýsingagjafar hjá Emilios
Avgouleas: The mechanics and regulation of market abuse, bls. 123; Mårten Knuts: Kursmani­
pulation på värdepappersmarknaden, bls. 221 og hjá Jesper Lau Hansen: Informationsmisbrug.
Kaupmannahöfn 2001, bls. 492­494;
23 Sjá orðalag í c­lið 7. gr. reglugerðar nr. 630/2005 um innherjaupplýsingar og markaðs­
svik.
24 Sjá Level 3 – first set of CESR guidance and information on the common operation of the Direc­
tive CESR/04/505b, bls. 12. Sjá einnig Mårten Knuts: Kursmanipulation på värdepappers­
marknaden, bls. 268.