Tímarit lögfræðinga - 01.04.2012, Page 63
4.1 Markaðsmisnotkun við lokun markaðar
a) Viðskipti í lok dags – dæmi í reglugerð nr. 630/2005
Sú háttsemi sem á ensku hefur verið nefnd marking the close er við
skiptamynstur þar sem áhrif eru höfð á lokagengi skráðs fjármála
gernings með því að eiga viðskipti eða gera tilboð í fjármálagern
inginn rétt fyrir lokun markaðar. Framangreindu viðskiptamynstri
er betur lýst með orðalaginu trading at the end of the day eða að eiga
viðskipti í lok dags.36 Í blið 7. gr. reglugerðar nr. 630/2005 er fjallað
um viðskipti við lokun markaðar, en þar segir:
Kaup eða sala fjármálagerninga við lokun markaðar, sem er misvísandi
gagnvart fjárfestum sem taka ákvarðanir á grundvelli lokaverðs.
Ákvæðið byggir á 2. mgr. 1. gr. MAD tilskipunarinnar.37 Orða
lagið vísar til þess að viðskipti á þessum tímapunkti geta talist
markaðsmisnotkun ef þau gefa eða eru líkleg til að gefa framboð,
eftirspurn eða verð fjármálagerninga ranglega eða misvísandi til
kynna, sbr. orðalagið í fyrri málsl. aliðar 2. mgr. 1. gr. MAD tilskip
unarinnar og alið 1. tl. 1. mgr. 117. gr. vvl.
b) Óbeinir hagsmunir
Fjölmargir fjármálagerningar eru tengdir skráðum fjármálagern
ingum með einhverjum hætti. Til að mynda getur fjármálagerning
ur tekið mið af hlutabréfavísitölu eða gengi tiltekinna hlutabréfa.
Þegar slík skuldbinding fylgir gengi hlutabréfa getur skapast hvati
fyrir þann, sem hefur gengist undir slíka skuldbindingu, að hafa
áhrif á gengi hlutabréfanna jafnvel þó að viðkomandi eigi ekki
hlutabréfin sjálfur. Hann hefur þrátt fyrir það hagsmuni af gengi
hlutabréfanna.38 Þessir óbeinu hagsmunir eru oft og tíðum fyrir
36 Mårten Knuts: Kursmanipulation på värdepappersmarknaden, bls. 322. Sjá einnig Emilios
Avgouleas: The mechanics and regulation of market abuse, bls. 137.
37 Dæmið er svohljóðandi í enskri þýðingu: „[T]he buying or selling of financial instru
ments at the close of the market with the effect of misleading investors acting on the basis
of closing prices.“ Sjá sambærilegt ákvæði í 2. tl. 2. mgr. 38. gr. dönsku verðbréfaviðskipta
laganna, en þar segir orðrétt á dönsku: „køb eller salg af værdipapirer ved markedets
lukketid med den påvirkning at personer, der handler på grundlag af slutkursene, vildle
des.“ Sjá til hliðsjónar umfjöllun hjá Jesper Lau Hansen: Værdipapirhandelsloven med kom
mentarer, bls. 429.
38 Sjá Peer SchaumbergMüller og Erik Werlauff: Børs- og kapitalmarkedsret. Kaupmanna
höfn 2008, bls. 517.