Tímarit lögfræðinga - 01.04.2012, Page 66


Þann 30. desember 2008, frá kl. 17:11 til kl. 17:17, átti miðlari hjá
Kaupthing Bank Sverige AB viðskipti fyrir hönd viðskiptavinar
með 2100 hluti í félaginu eWork Scandinavia AB, sem var skráð á
First North markaðnum.47 Viðskipti miðlarans leiddu til þess að
gengi bréfanna hækkaði úr 19 SEK48 í 24,8 SEK. Engin önnur við­
skipti áttu sér stað við lokun markaðar þennan dag og því var loka­
gengi ársins 24,8. Viðskiptavinur miðlarans var fjórði stærsti hlut­
hafinn í félaginu. Samkvæmt hljóðupptöku sem aganefndin hafði
undir höndum gaf viðskiptavinurinn miðlaranum fyrirmæli um að
hækka gengi49 bréfanna og vildi helst að gengið yrði 27,4 SEK. Við­
skiptavinurinn bað miðlarann um að setja inn kauptilboð upp á 100
hluti á genginu 27,40. Þegar gengið endaði í 24,8 sagði viðskiptavin­
urinn að það hefði verið synd að gengi hefði ekki náðst upp í 27,4.
Að lokum sagði viðskiptavinurinn hlæjandi að gengið hafi hækkað
um 26,53% og miðlarinn svaraði með því að segja: „Vel gert“.50
Aganefnd sænsku kauphallarinnar51 taldi að miðlarinn, og þar
með Kaupthing Sverige, hefði brotið gegn reglu 4.6.1 í aðildarreglum
Nasdaq OMX Stockholm sem svipar mjög til bannsins við markaðs­
misnotkun.52 Í niðurstöðu sinni leit nefndin m.a. til þess að verðið
47 Tekið af slóðinni http://www.nasdaqomxnordic.com/firstnorth/ þann 23. maí 2011:
„Fjármálagerningar sem verslað er með á First North NOK markaðnum hafa verið teknir
til viðskipta á öðrum skipulegum verðbréfamarkaði eða markaðstorgi fyrir fjármálagern­
inga (“MTF”) á grundvelli umsóknar útgefanda (“meginmarkaður”). Útgefanda fjármála­
gerninganna er því skylt að framfylgja kröfum meginmarkaðarins varðandi upplýsinga­
gjöf ásamt löggjöf heimaríkis útgefanda. Reglur varðandi upplýsingagjöf á First North eiga
ekki við um útgefandann. NASDAQ OMX mun hafa eftirlit með því að farið sé eftir við­
skiptareglum og öðrum ákvæðum laga og reglna er eiga við um viðskipti á NASDAQ
OMX. NASDAQ OMX mun ekki hafa eftirlit með upplýsingaskyldu útgefanda fjármála­
gerninga.“
48 Sænskar krónur.
49 Á sænsku: lyfta kursen.
50 Á sænsku: bra jobbat.
51 Á sænsku: NASDAQ OMX Stockholms Disciplinnämnd. Samkvæmt sænsku verðbréfa­
viðskiptalögum nr. 528/2007 skal aganefnd hjá NASDAQ OMX Stockholm fjalla um brot
útgefanda og kauphallaraðila á reglum kauphallarinnar. Sjá til hliðsjónar umfjöllun á eftir­
farandi slóð: http://www.nasdaqomx.com/listingcenter/europe/surveillance/stockholm/
disciplinarycommittee/?languageId=3 (skoðað 4. janúar 2012).
52 Er að finna á eftirfarandi slóð: http://www.nasdaqomx.com/digitalAssets/73/73869_nas­
daq_omx_nordic_member_rules__version__1.4_effective_april_18_2011.pdf (skoðað 10.
desember 2012). Ákvæðið er svohljóðandi á ensku: „The Member may not place Orders or
enter into Trades which, individually or together, are intended to improperly influence the
price structure in the Trading System, which are devoid of commercial purpose, or which are
intended to delay or prevent access to the Trading System by other Members. The above
general rule means, for example, that it is prohibited to: […] place an Order or automatically
match/enter into a Trade with the intention of influencing the price of an Instrument in order
to alter the value of one’s own, or any other party’s, holding of any Instrument at any given
time, for example prior to the end of the year or end of a month. Further, this shall also be
deemed to include ongoing or frequent negligence by the Member to prevent the placing of
such Orders or entering into such Trades, regardless whether they are intentional or not.“