Milli mála - 2022, Qupperneq 8

7
Frá ritstjórum
Tímamót eru í útgáfu ritsins Milli mála – tímarit um erlend tungu-
mál og menningu á árinu 2022, en frá árinu 2009 hefur Stofnun
Vigdísar Finnbogadóttur í erlendum tungumálum gefið út eitt
hefti af ritinu á ári. Að þessu sinni koma út tvö hefti á árinu, en
fyrra hefti 14. árgangs er sérhefti sem ber yfirskriftina Nýjar rann-
sóknir í annarsmálsfræðum og fjöltyngi á Íslandi. Gestaritstjóri var Birna
Arnbjörnsdóttir. Framvegis munu koma út tvö hefti á ári. Verður
fyrra heftið sérhefti tileinkað afmörkuðu viðfangsefni, en almennt
hefti mun koma út fyrir lok hvers árs. Á árinu 2023 mun sérhefti
Milli mála bera yfirskriftina Skáldið, taóið og dulspekin og fjalla um
áhrif daoisma og dulspeki í verkum Halldórs Laxness og túlkun hans
á þeim. Gestaritstjóri verður Geir Sigurðsson.
Heftið sem hér birtist er því annað hefti 14. árgangs. Að þessu
sinni birtum við sex ritrýndar greinar um málvísindi, bókmenntir
og þýðingafræði, auk einnar óritrýndrar greinar og tveggja þýðinga.
Í greininni „Drög að kortlagningu spænsku á Íslandi“ fjalla þær
Erla Erlendsdóttir, Hólmfríður Garðarsdóttir og Núria Frías Jiménez
um samevrópskt samvinnuverkefni sem hefur það markmið að fá
skýrari mynd af stöðu spænsku í Evrópu og notkun spænsku utan
spænskumælandi landa. Byggt er á lýðfræðilegum upplýsingum til
þess að meta fjölda málhafa, auk þess sem þeir eru flokkaðir eftir
færnistigum. Höfundar beita síðan sömu aðferðum til þess að meta
stöðu spænsku á Íslandi. Hér er því lagður grunnur að beitingu lýð-
fræðimálvísinda og félagsmálvísinda til þess að fá skýrari mynd af
kunnáttu í erlendum tungumálum hérlendis.
Erla Erlendsdóttir og Oddný G. Sverrisdóttir fylgja eftir grein
sinni „Kurz und bündig, raso y corto eða stutt og laggott: Um orða-
pör í þýsku, spænsku og íslensku“, sem birtist í 13. Árg. Milli mála
árið 2021, með annarri grein um orðapör sem heitir „Hönd í hönd,
mano a mano, Hand in Hand: Enn og aftur af orðapörum“. Hér