Milli mála - 2022, Side 17

MILLI MÁLA
16 Milli mála 14/2/2022
dvalarleyfis (Spánverjar á Íslandi, Íslendingar á Spáni)? Aðrir þættir
sem geta valdið vandkvæðum eru skilgreiningar á því hvað sé tungu-
mál og hvað mállýska, margtyngi einstaklings, o.s.frv. Hörgull á mann-
tali í sumum löndum torveldar einnig rannsóknir (Sorolla Vidal
2012, 14). Einnig má nefna að ónákvæm skráning í þjóðskrá getur
skekkt myndina og standa margir verkefnahópar frammi fyrir því að
þurfa að leita á önnur mið til að afla upplýsinga. Fyrir vikið má gera
ráð fyrir að niðurstöður rannsóknarinnar verði ekki eins nákvæmar
og æskilegt væri. Þetta á meðal annars við um skráningar á Íslandi
og væri óskandi að Þjóðskrá og Hagstofa Íslands geri í framtíðinni
bragarbót á því og skrái móðurmál innflytjenda sem og móðurmál
foreldra þeirra.
Eins og áður sagði eru það einkum tvítyngd eða margtyngd
samfélög sem hafa sérstakan áhuga á upplýsingum af því tagi sem
lýðfræðimálvísindi draga fram. Fræðimenn eins og t.d. Sorolla Vidal
(2012, 9) telur að það gæti reynst athyglisvert að skoða samfélög
þar sem samsetning íbúa er einsleit með það í huga að þar er tjá-
skiptahæfnin með ólíkum hætti, hugmyndafræðin öðruvísi og staða
málafbrigða önnur. Í litlu málsamfélagi eins og því íslenska væri
áhugavert að leggja fyrir kannanir með það að markmiði að grafast
fyrir um móðurmál þeirra sem mynda fjölbreytt tungumálasamfélag
landsins og kanna málfærni þeirra íbúa sem hafa annað móðurmál
en íslensku.15
2. Aðferðafræði
Eins og þegar hefur komið fram nær rannsóknarverkefnið sem
hér er fjallað um til margra landa. Hvert og eitt þeirra hefur sína
þjóðfélagskipan og sín sérkenni, fyrir vikið er brýnt að fylgja sömu
viðmiðum í öflun gagna og nota sömu aðferðir við úrvinnslu þeirra
svo að tryggja megi samræmi og samanburðarhæfni á milli landa og
landsvæða í Evrópu. Í rannsókninni er aðferðum Moreno Fernández
og Otero Roth fylgt en þeir reifuðu þær fyrst í riti árið 1998 og síðar
í fræðigreinum í upphafi 21. aldar (2006, 2007; Moreno Fernández
15 Það er að segja erfðamál málhafanna.
DRÖG AÐ KORTLAGNINGU SPÆNSKU Á ÍSLANDI
10.33112/millimala.14.1.2