Milli mála - 2022, Síða 30

MILLI MÁLA
Milli mála 14/1/2022 29
Samkvæmt Hagstofu Íslands hefur fjöldi nemenda í spænsku á há-
skólastigi sveiflast töluvert eftir árum eins og tafla 5 sýnir berlega.
Á árunum 2012 til 2018 fækkar nemendum töluvert en hefur farið
fjölgandi á síðustu árum.
Tafla 5. Fjöldi nemenda í háskólanámi í spænsku (Diplóma, BA og MA). (Hagstofa
Íslands 2022.)30
Utan opinbera skólakerfisins er víða hægt að læra erlend tungumál
(AMM4), hvort sem er í fjarnámi við framhaldsskóla eða í endur-
menntunardeildum háskóla, málaskólum eða á vegum stofnana sem
hafa það hlutverk að stuðla að útbreiðslu viðkomandi tungumáls
(Instituto Cervantes, Goethe-Institut, Alliance Française), þ.e.a.s.
ef slíkar stofnanir eru með aðstöðu í landinu sem um ræðir hverju
sinni. Það getur reynst erfitt að komast að fjölda þeirra sem hafa
sótt málanám til þessara aðila þar sem í mörgum tilfellum er um
einkafyrirtæki að ræða (málaskólar). Þó má á það benda að á Íslandi
er tiltölulega auðvelt að nálgast upplýsingar af þessu tagi miðað við
það sem gengur og gerist víða annars staðar. Um þessar mundir er
unnið að því að afla gagna.
Vaxandi áhugi á spænsku máli undanfarna áratugi hefur alloft
orðið að umfjöllunarefni í fjölmiðlum landsins (sbr. Morgunblaðið
2016, Fréttablaðið 2021), auk þess sem fjallað hefur verið um vin-
sældir spænsku á Íslandi í ýmsum samantektum (Erla Erlendsdóttir
2004; Almansa 2004; Hólmfríður Garðarsdóttir og Juan Tomás
2007; Concheiro 2017), og núna nýverið kom út bók þar sem stiklað
30 Sjá: https://px.hagstofa.is/pxis/pxweb/is/Samfelag/Samfelag__skolamal__4_haskolastig__0_
hsNemendur/ SKO04105b.px
ERLA ERLENDSDÓTTIR, HÓLMFRÍÐUR GARÐARSDÓTTIR OG NÚRIA JIMÉNEZ