Milli mála - 2022, Page 32

MILLI MÁLA
Milli mála 14/1/2022 31
Eins og fram kemur í greininni smíðuðu fræðimennirnir Moreno
Fernández og Otero Roth (1998, 2006, 2007) líkönin sem verkefna-
hóparnir styðjast við í rannsókninni. Þeir flokka spænskumælandi
fólk í þrjá meginhópa og síðan í nokkra undirhópa í samræmi við
færnistig hvers og eins. Mengið sem á í hlut samanstendur í kjarna
af móðurmálshöfum (MMH), í ytri hring eru málhafar með tak-
markaða málfærni (MTM) og í ysta hring eru hópar sem tileinka
sér spænsku sem annað mál (AMM). Undirhópar eru fjórir í fyrsta
flokknum: MMH1, spænskumælandi innflytjendur sem ekki hafa
ríkisfang í búsetulandinu; MMH2, erfðamálsmálhafar af annarri
kynslóð innflytjenda sem hafa sterk tengsl við spænskumælandi bak-
grunn sinn; MMH3, spænskumælandi innflytjendur með ríkisfang
í búsetulandinu; MMH4, spænskunemar sem hafa náð færnistigi
C1 samkvæmt samevrópska tungumálarammanum. Í flokki tvö
eru fimm undirhópar: MTM1, erfðamálsmálhafar af spænsku eða
spænskamerísku bergi brotnir, yfirleitt af annarri eða þriðju kynslóð
innflytjenda; MTM2, Evrópubúar búsettir í spænskumælandi landi;
MTM3, innflytjendur frá Ameríku og frá Íberíuskaganum af öðrum
uppruna (Brasilíumenn og Portúgalir); MTM4, spænskunemar úr
framhaldsskólum með takmarkaða færni í málinu; MTM5, spænsk-
unemar sem hafa útskrifast úr málaskóla. Í þriðja flokk falla undir-
hópar eins og spænskunemendur í grunnskóla (AMM1), í framhalds-
skóla (AMM2) og spænskunemar í háskóla (AMM3). Á Íslandi koma
allir hópar fyrir, eins og fram kemur í greininni, þótt misvel hafi
gengið að afla gagna og upplýsinga um suma undirhópa, en allir
norrænu verkefnahóparnir hafa staðið frammi fyrir ýmsum vafaat-
riðum sem reynt hefur verið að leysa í sameiningu. Og þegar þar
að kemur munu helstu niðurstöður íslenska rannsóknarverkefnisins
verða bornar saman við niðurstöður hinna norrænu verkefnahópanna
(frá Danmörku, Finnlandi, Noregi og Svíþjóð) og heildarniður-
stöður munu birtast í sérriti, undir titlinum Kortlagning spænsku
á Norðurlöndum, í ritröðinni Kortlagning spænsku í Evrópu. Þegar
heildarniðurstöður liggja fyrir er ætlunin að taka upp þráðinn þar
sem frá var horfið í þessari grein og kynna það sem helst gæti vakið
áhuga á kortlagningu spænsku á Norðurlöndunum annars vegar og í
Evrópu hins vegar í samanburði við niðurstöður frá Íslandi.
ERLA ERLENDSDÓTTIR, HÓLMFRÍÐUR GARÐARSDÓTTIR OG NÚRIA JIMÉNEZ