Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Síða 8

var mikill nákvæmnismaður og fróður um menn og
málefni og hefur beitt þeirri þekkingu sinni til hins
ýtrasta við gerð þessara skýrslna. Meðal þess sem
Magnús uppgötvaði var að einhvem tímann á
síðustu áratugum hefur V. Landsfundur
Sjálfstæðisflokksins sem var haldinn 1934 glatast, ef
svo má að orði komast. Ekki er til fundargerð af
þeim fundi og þegar fyrst er birt skrá yfir landsfundi
Sjálfstæðisflokksins í landsfundarskýrslu 1948 er
landsfundarins 1934 ekki getið og hefur svo verið
allar götur síðan þá. Þessi fundur Magnúsar leiðir
til þess að númeraröð landsfundanna raskast þannig
að landsfundurinn 1993 verður 31. landsfundur
Sjálfstæðisflokksins miðað við réttan fjölda funda
og miðað við að fyrsti og síðasti landsfundur
Ihaldsflokksins hefur jafnan einnig verið talinn
fyrsti landsfundur Sjálfstæðisflokksins og þeirri
reglu haldið í þessari skýrslu.
Með þessari útgáfu og vönduðum
undirbúningi Magnúsar er miklum og verðmætum
heimildum um fyrstu ár Sjálfstæðisflokksins hvort
tveggja í senn forðað frá gleymsku og komið á
framfæri með aðgengilegum hætti fyrir alla sem
áhuga hafa á Sjálfstæðisflokknum og sögu hans.
Það er von útgefanda að rit þetta geti verið mönnum
bæði til fróðleiks og skemmtunar.
Af hálfu skrifstofu Sjálfstæðisflokksins hafa þau
Már Jóhannsson og Þórdís Kr. Pétursdóttir búið ritið
til prentunar og er þeim þakkað ágætt starf.
6