Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Side 13

segir Sigurbjöm Þorkelsson, kaupmaður í Vísi,
eftirfarandi á bls. 290 í III. bindi sjálfsævisögu sinnar,
„Himneskt er að lifa” (Reykjavík 1969).
„Það var 24. febrúar 1924, sem
„Ihaldsflokkurinn” var stofnaður af 20 þingmönnum.
Ekki var ég vel ánægður með nafnið, þó að ég væri
glaður yfir því, að meiri festa yrði nú yfir
flokksstarfseminni. En mér fannst nafnið ekki tákna rétt
stefnu flokksins og fyrirætlanir í framtíðinni, þar sem
stefnuskráin benti til þess, að hann væri frjálslyndur
umbótaflokkur. Ég þóttist viss um, að flokkurinn, með
þessu nafni, ætti ekki fyrir sér að vaxa á íslandi, eins og
hann átti skilið og eftir því, sem efni stóðu til. Ég fann
það á sjálfunt mér, að ungt fólk myndi ekki flykkjast í
flokk með slíku nafni fyrst um sinn. Það væri að kenna
nafninu, en ekki ágætri stefnuskrá flokksins.”
Dr. Magnús Jónsson segir um þetta í riti sínu,
sem áður er vitnað til, bls. 19:
„Eitt af því, sem allmikið var rætt um á lands-
fundi Ihaldsflokksins 1929, var það, að breyta ætti um
nafn á flokknum. Nafnið var í upphafi valið út af því
verkefni, sem þá lá fyrst fyrir, en það var gætni og íhald í
fjármálum. Og þó að vel mætti skýra nafnið á breiðari
grundvelli, og það væri gert bæði í ræðu og riti, þá þótti
mörgum óheppilegt að þurfa sí og æ að koma með þær
skýringar, og nafnið var vissulega ekki vel til fylgisauka
fallið. Fór fram skoðanakönnun um þessa nafnbreytingu í
lok fundarins, og kom þá í ljós, að mjög mikill meiri hluti
fundarmanna var meðmæltur því, að breytt væri um nafn.
A fundum félaganna í Reykjavík, Varðar og
einkum Heimdallar, átti sú skoðun eindregið fylgi, að
breyta bæri um nafn flokksins. Er óhætt að segja, að hin
11