Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Síða 59

2. Fundurinn ályktar að kjósa fimm manna nefnd,
er sjái um, að út verði gefnar, þýddar eða frumsamdar,
fræðibækur um þjóðmál, einkum um afstöðu flokksins til
sameignarstefnanna, - svo og til þess að gera tillögur um
útbreiðslustarfsemi flokksins.
Nefnd var kosin samkvæmt síðari tillögunni og í
hana kosnir Arni Pálsson, bókavörður, Thor Thors,
cand.juris., Jón Þorláksson, alþm., Ólafur Thors, alþm.
og Magnús Jónsson, prófessor.
NAFNBREYTING
Þá var nafnbreytingin tekin til umfjöllunar, og
urðu þegar allsnarpar umræður. Fram kom tillaga um að
fresta ákvörðun um málið, en hún var felld með 70
atkvæðum gegn 40.
Þegar fundartíminn var út runninn, hafði engin
lausn fengist, svo að fundarstjóri mælti svo fyrir, að
málið yrði tekið fyrir á kaffidrykkjufundi, er miðstjórnin
byði fundarmönnum upp á í kaffihúsi Rosenbergs kl. 9
síðdegis. Fundi sl. kl. 7 1/2”.
Lengra nær nú fundargerðin ekki, og engin fundargerð
hefur fundist frá þessum „kaffidrykkjufundi”.
*
Hvað gerðist á kvöldfundinum í kaffihúsi Rosenbergs ?
Morgunblaðið skýrir svo frá lokum
landsfundarins í frétt daginn eftir:
„Ennfremur kom til umræðu álit nefndarinnar, er
skipuð var til þess að athuga, hvort nafn flokksins væri í
57