Læknaneminn - 01.10.1994, Side 13

Mynd 4. Einn sjúkrabílanna sem varð fyrir
flugskeytaárás.
aldrei áður hefur fengist við rannsóknir. Einungis er
hægt að fá mælt haemoglóbin og haematókrít.
Læknarnir eru sofandi enda voru framkvæmdar
aðgerðir alla nóttina. Tíu illa særðir, þrír látnir og 15
minna særðir voru verkefni síðasta sólarhrings. Þeir
báðu um að verða vaktir ef við skyldum koma, enda
er þetta eini möguleiki þeirra á að gefa upplýsingar til
umheimsins um það sem þá vanhagar.
Við höldum fund á kaffistofunni innan um sofandi
starfsmenn. Enginn rumskar. Nýlega féll sprengja í
annað sinn á spítalann. Mest allar lyfjabirgðir og
önnur hjálpargögn eyðilögðust. Við förum upp og
skoðum verksummerkin, þrátt fyrir mótmæli
læknanna. Þakið á birgðaherberginu hefur fallið niður
og birgðarnar eru sundurtættar innan um leyfar þaks-
ins. Ekki er mikið gagn af því sem heillegt er. Við
förum niður og ræðum um hvaða birgðir þurfi að
endurnýja. Rafmagnið fer af. Það er verið að taka
röntgenmynd á ganginum og rafstöðin er ekki nógu
öflug til að hægt sé að hafa ljós á sama tíma. Við
höfum rætt um að gefa stærri rafstöð en þar sem erfitt
er að fá leyfi til að flytja gasolíu til spítalans, hefur
verið fallið frá því. UNMOs koma inn. Þeir eru að
koma með tvo af mönnunum sem særðust fyrir utan
skril'stofuna þeirra. Einn var látinn þegar þeir komu
að. Læknarnir og hjúkrunarfólkið hverfa til sinna
Mynd 5. Framhlið sjúkrahússins. Efst til hœgri
er gat eftir flugskeyti.
starfa og það er tími til kominn að yfirgefa Mostar.
Arásir aukast alltaf þegar líður á daginn og við
reynum alltaf að snúa til baka um fjögurleitið.
Við troðumst öll inn í brynvarða bílinn hennar
Patriciu og höldum áleiðis til Medugorje. Eftir því
sem við fjarlægjumst Mostar þess léttara verður
andrúmsloftið. Eftir tveggja tíma keyrslu komum við
til Medjugorje. Þar er hefð að fá sér pizzu og bjór
eftir Mostar heimsóknir. Aðferð sem hefur reynst
okkur vel til að má í burtu úr huganum hörmungunum
og eymdinni. A morgun þurfum við að vera tilbúin til
að takast á við nýja eymd og ný vandamál.
11
LÆKNANEMINN 2 1994 47. árg.