Læknaneminn - 01.10.1994, Blaðsíða 46

sú almenna regla gildir að auðveldara er að komast á
þá staði sem Islendingar hafa verið á. Þetta er þó ekki
sagt til að draga úr þei m sem annað v i lja fara og raunar
er mjög gott ef fólk vill leita nýrra miða og auka
þannig fjölbreytni í menntun íslenskra lækna. Algengt
er að langur tími líði þar til svör berast og er þá gott
að vera tímanlega í fyrstu bréfaskiptum, sennilega er
júlí heppilegur tími. Það borgar sig ekki að vera of
snemma á ferðinni þar sem upplýsingar eru ekki til
reiðu fyrr en seinni part sumars eða snemma á
haustmánuðum. Flestir sem fara til framhaldsnáms
fara í gegnum svokallað „Matching " kerfi (sjá neðar)
og er þá rétt að sækja um á allmörgum stöðum,
hugsanlega lOtil 15. Þettaræðstþóaðeinhverjuleyti
af því hversu erfitt er að komast í þau prógrömm sem
viðkomandi hefur mestan áhuga á að komast í. Það er
almennt erfitt fyrir erlenda lækna að komast að í
vinsælustu prógrömmin, sérstaklega ef umsækjandi
hefur ekki unnið inni á bandarísku sjúkrahúsi. Ef að
íslenskir læknanemar eiga þess kost að taka hluta af
námi sínu (til dæmis valkúrsa) inni á sjúkrahúsum í
Bandaríkjunum þá getur það verið mjög mikilvægt
þegar sótt er um framhaldsnám síðar. Mikið er lagt
upp úr að hafa góð meðmæli, og vega þá þungt
meðmæli frá bandarískum prófessorum sem hafa séð
viðkomandi vinna við þær aðstæður sem krafist er í
sémáminu. Þetta gildir þó sérstaklega þegar reynt er
að komast inn á staði sem Islendingar hafa ekki verið
á áður.
Umsóknir á flesta staði eru svipaðar. Sumstaðar
vilja menn fá hið staðlaða umsóknareyðublað (Uni-
versal Application for Residency) frá National Resi-
dent Matching Program, annars staðar hafa menn sín
eigin umsóknareyðublöð. Víðast hvar er farið fram
á að fá þrjú meðmælabréf, ,,deans-letter" (bréf frá
deildarforseta ),„curriculum vitae " og, ,personal state-
ment".
MEÐMÆLABRÉF OG „DEANS LETTER"
Meðmælabréf skipta miklu máli þegar sótt er um
stöður til framhaldsnáms og skiptir því val
meðmælenda miklu. Flestar stofnanir vilja fá með-
mæli frá læknum í þeirri sérgrein sem viðkomandi
stefnir að framhaldsnámi í að minnsta kosti tvö bréf
af þremur. Eitt bréf er venjulega skrifað af yfirlækni
á þeirri deild sem umsækjandi hefur unnið mest á
(Chairman's letter). Mjög gott er að geta fengið
meðmæli frá læknum sem hafa einhver tengsl við
viðkomandi stofnun, hafa t. d. verið þar sjálfir í
sérnámi. ,,Dean's letter" er staðlað bréf frá deildar-
forseta um frammistöðu umsækjenda í náminu. Þar
kemur meðal annars fram árangur í samanburði við
samstúdenta (það er þó hægt að biðja um að því sé
sleppt !!). Því miður eru gögn hjá læknadeild um
frammistöðu okkar í náminu mjög fátækleg og á það
sérstaklega við um klíníska vinnu stúdenta. I
bandarískum læknaskólum eru venjulega til skrif-
legar umsagnir frá sérfræðingum (og jafnvel
aðstoðarlæknum) um frammistöðu stúdents á öllum
þeim deildum sem viðkomandi hefur unnið á í sínu
námi. Út frá þessum umsögnum er síðan skrifað
ítarlegt bréf um umsækjanda. Þetta er eitt af þeim
málum sem læknadeild þyrfti að koma í betra horf.
„CURRICULUM VITAE" OG
„PERSONAL STATEMENT"
Þetta er sá liður sem flestir eiga hvað erfiðast með
að setja niður á blað enda er það fæstum eiginlegt að
úthrópa eigið ágæti og afreksverk.
,,Curriculum vitae" á að vera listi eða upptalning
á þeim afrekum sem markverð eru á manns ferli sem,
eðli málsins samkvæmt, er oft fremur stuttur á þessum
tímapunkti. Mjög misjafnt er hve langt menn seilast
til að hafa listann sem lengstan, en þó er yfirleitt rétt
að reyna að tína sem flest til og skal þar nefna;
námsferil og prófgráður, starfsferil, félagsmál,
kennslu, rannsóknir og styrki, ritsmíðar (bæði ágrip
(abstracta) og greinar), aðild að fagfélögum og eflaust
er hægt að tína fleira til. Rétt er að setja þetta
skipulega niður og raða eftir efnisflokkum og
tímasetja.
,,Personal statement" á að vera stutt greinargerð
um fortíð, nútíð og framtíð. Hér eru gefnar upplýsingar
um persónulegan bakgrunn (fjölskylduhagir,
áhugamál (ef einhver eru!)), benda skal á þá þætti á
framabrautinni sem umsækjandi vill leggja áherslu á
(til dæmis reynsla af félagsmálum eða rannsóknum),
segja frá núverandi stöðu og að lokum að segja frá
framtíðarplönum. Hefur umsækjandi áhuga á að
stunda klínísk störf í framtíðinni ? Vill hann leggja
fyrir sig akademískan feril? Stefnir hann að því að
snúa heim að framhaldsnámi loknu ?
Umsóknarfrestur á flestum stöðum er til desember
eða janúar. Nauðsynlegt er þó að vera tímalega með
42
LÆKNANEMINN 2 1994 47. árg.