Læknaneminn - 01.04.1996, Síða 75

Á ferð um Afríku
NÍGERÍA
s._K4V.KWN
MlDAFRÍKl-
LYDVELDIÐ ..
s. , "s.
Viktoriuvatn
I 'KENÝA
rvvanda
tanzanía
MALAVM
Ingvar H. Ólafsson
TOGO
Árið 1990 ferðaðist ég í tæpa fimm mánuði um
Afríku, í ferð sem ég hafði verið harðákveðinn í að
fara frá blautu barnsbeini. Ferðin hófst í Malawí
þar sem ég dvaldist hjá ættingjum sem störfuðu á
vegum Þróunarsamvinnustofnunar Norðurlanda.
Þaðan fór ég til Tansaníu og lagði upp í ferð frá
austurströndinni og yfir á vesturströndina eins og
sést á kortinu. Alls vorum við 18 manns sem ferð-
uðumst saman með Encounter Overland í gömlum
Bedfordtrukk.
I upphafi var ferðast um hásléttur A-Afríku og
þjóðgarðarnir skoðaðir og ber Serengeti þar hæst.
Mestan tíma tók að ferðast í gegnum frumskóga
Mið-Afríku þar sem tekið gat 12 klst. að komast 20
km. Þar var heldur ekki oft og tíðum möguleiki að
komast á markað nema á nokkurra daga fresti.
Frumskógurinn hefur sínar gersemar og má þar
meðal annars nefna fjallagórillurnar og dvergsvert-
ingjana. Síðasti hluti ferðarinnar var um V-Afríku
og þar ber fólkið og menninguna hæst. Kynntist
maður þar margvíslegum háttum og siðum inn-
fæddra. Þar var maður einnig var við það arðrán
sem nýlenduveldin stunduðu og gera enn.
Það er engan veginn hættulaust að ferðast um
Afríku og því til sönnunar get ég nefnt að við vor-
um rænd af vopnuðum mönnum, ég lenti í miðj-
um skotbardaga milli manna og misalvarleg veik-
indi hrjáðu fólk. Af þeim 14 löndum sem ég kom
til hafa orðið byltingar í 9 af þeim síðan ég var þar.
Engu að síður er fólk vingjarnlegt og gott í Afríku.
Myndirnar sem fylgja voru teknar í þessari ferð.
LÆKNAIMEMINN
65
1. tbl. 1996, 49. árg.