Læknaneminn - 01.04.1999, Page 84

og setja þá inn á heimasíðu námskeiðsins á internetinu. Árið eftir
nýtti hann svo þá tíma sem áður voru fyrirlestrar með hefðbundnu
sniði til sýnikennslu og umfjöllunar um tilfelli. Hefur þessi ný-
breytni mælst vel fyrir meðal nemenda og vonandi nýta fieiri
kennarar í fögum sem lítinn tíma hafa til umráða þessa leið í fram-
tíðinni.
Að lokum
Nýliðið starfsár var um margt sérstakt fyrir félagið. Verulegar
breytingar voru gerðar á lögum þess og eiga þær vonandi eftir að
skila sér í bættu starfi. Ráðningarkerfið var einnig endurskoðað og
náðist um það víðtæk sátt meðal nemenda, enda einstakt og afar
verðmætt kerfi þar á ferð.
Það er því von mín að Félag læknanema standi jafnvel styrkari
fótum en áður og eigi eftir að farnast vel um langa framtíð. Eg vil
þakka öllum þeim sem komu að starfi félagsins fyrir gott samstarf
í vetur. Sérstaklega þakka ég ráðningarstjóra og stjórn ánægjuleg
kynni og samstarf.
F.lt. stjórnar Félags lœknanema,
Þorvarður Jón Löve, formaður
SKÝRSLA KENNSLUMÁLA- OG FRÆÐSLUNEFNDAR
Starfsemi kennslumála- og fræðslunefndar fór frekar seint í
gang þar sem áður kosinn fulltrúi 5. árs og jafnframt formaður
nefndarinnar hætti störfum. Undirrituð ákvað að hlaupa í skarðið
svo eitthvað yrði nú úr starfi vetrarins. Það er mjög brýnt að nem-
endur komi sem mest að mótun kennslu og kennsluefnis í deildinni
til þess að stefnumótunin verði ekki einhliða þ.e. eingöngu frá hlið
kennaranna.
Kennslumál
Það voru regiulegir fundir með kennslunefnd læknadeildar þar
sem margt bar á góma bæði frá nemendum og kennurum varðandi
það sem öðruvísi má fara í kennslu- og prófmálum deildarinnar.
Heitasta málið var þó bón þriggja laganema um afhendingu
clausus-prófa með tilliti til Upplýsingalaga. Eftir miklar vanga-
veltur og fundarhöld varð niðurstaðan sú að deildinni bæri að af-
henda þremenningunum prófin sem var og gert. I framhaldi af
þessu má geta þess að nú er verið að setja flest öll clausus-prófin
á netið svo að allir standi jafnfætis þegar kemur að prófundirbún-
ingi.
Fræðslumál
Nefndin kom saman nokkrum sinnum og skipulagði fræðslu-
fundi sem er fastur punktur í starfsemi nefndarinnar. Þar var kom-
ið víða við enda reynt að láta fjölbreytnina ráða.
„ACLS námsskeið" í umsjón Guðmundar Þorgeirssonar hjarta-
sérfræðings á Lsp..
„Snyrtinámsskeið fyrir dömur deildarinnar“ f boði umboðsaðila
Lancome og Helena Rubinstein.
„Undirheimar Reykjavíkur"; farið yfir hvað er að gerast í fíkni-
efnaheiminum með aðstoð fíkniefnalögreglunnar.
„Sjálfsvarnarnámsskeið"; nemendum kennt að bregðast við
fantabrögðum „sjúklinga".
„Hvað dreymir fóstur“ flutt af Brynjari Karlssyni eðlisfræðingi.
Einnig voru fræðslufundir haldnir með öðrurn nemendafélög-
um.
Á vordögum var haldin árleg kynning á deildum Háskólans. Þar
mætti nefndin og svaraði spurningum fróðleiksfúsra gesta.
Fyrír hönd Kennslumála- og frœðslunefndar,
Sigurbjörg J. Skarphéðinsdóttir
SKÝRSLA STÚDENTASKIRTANEFNDAR
Fjármál
Fyrsta verk nefndarinnar var fjáröflun en eftir talsvert góðæri
undanfarin tvö ár var fjárhagsstaðan aftur orðin bágborin. Ástæð-
ur þessa voru helst tvær. Annars vegar að ráðstefnur IFMSA hafa
undanfarið verið haldnar á mjög fjarlægum stöðum þannig að far-
gjöld á þær hafa verið há. Hins vegar er það að leigja hefur þurft
húsnæði fyrir skiptinemana sem hingað koma á almennum leigu-
markaði og hefur það veið ærið kostnaðarsamt. Við fengum styrk
frá Heilbrigðisráðuneyti og Læknafélaginu, 100.000 krónur frá
hvoru og ferðastyrkur á ráðstefnur kom frá Stúdentasjóði. Undir
vorið voru send styrkbeiðnibréf til tjölda fyrirtækja en ekkert kom
út úr því. Sú hugmynd kom upp að bjóða fyrirtækjum sem styrktu
nefndina eitthvað í staðinn eins og að læknanemar kæmu inn í fyr-
irtæki og mældu blóðþrýsting starfsmanna eða eitthvað þess hátt-
ar. Ekkert varð af framkvæmd þessa þetta árið en hugmyndin er
góð og mætti nota hana í framtíðinna.
Húsnæðismál
Hvað húsnæði fyrir sumarnemana varðar var það að mestu leigt
á almennum markaði nema eitt herbergi fékk nefndin að kostnað-
arlausu á Landspítala. Sú hugmynd kom reyndar upp að sækjast
eftir því að fá lánað húsnæði það sem nýtt hefur verið undir lestr-
araðstöðu læknanema á 4. hæð Heilsuverndarstöðvarinnar og stóð
ónýtt yfir sumarið. Forsvarsmenn læknadeildar sýndu málinu
skilning en niðurstaðan varð að lokum sú að húsnæðið var ekki
lánað nefndinni enda reyndist ekki vilji til þess hjá borgaryfirvöld-
uin.
Starfið
Farið var af stað með undirbúning fyrir verkefni þar sem ætlun-
in var að bjóða hingað til lands fjórum læknanemum frá fyrrum
Júgóslavíu. Utanríkisráðuneytið var tilbúið að styrkja þetta verk-
efni og hugmyndin var að nemarnir gætu fengið verklega reynslu
héðan metna í st'nu námi. Átti einnig að sjá þeim fyrir skemmti-
legri félagslegri reynslu að hætti íslenskra læknanema. Fjórir
læknanemar af 2. ári tóku að sér að undirbúa þetta verkefni en
raunin varð sú að ómögulegt var að ná sambandi við Júgóslavana
og hefur þvt' ekkert orðið úr þessu enn sem komið er. Kynningar-
fundur á starfi nefndarinnar og möguleikum læknanema innan
IFMSA var haldinn í október. Þar voru auglýstir þeir tvíhliða
skiptasamningar sem gerðir höfðu verið fyrir sumarið. Þeir samn-
ingar voru: 2 við Barcelona, 2 við Tékkland, 2 við Grikkland og 2
við Danmörku. Einnig voru kynntar krufningaferðir til Tékklands
sem farnar eru á vegum dönsku alþjóðanefndarinnar. Tveir fulltrú-
ar fóru á Skiptafund IFMSA sem haldinn var í Slóveníu í mars. Þar
var gengið frá skiptasamningum. Einnig voru sóttir fundir Stand-
ing Committee on Reproductive Health including AIDS (SCORA)
til undirbúnings forvarnarverkefnis gegn kynsjúkdómum og
ótímabærum þungunum meðal unglinga setn nú er farið af stað
undir merkjum Stúdentaskiptanefndar í anda þess starfs sem unn-
ið hefur verið hjá SCORA. Þrír fulltrúar sóttu fund FINO sem eru
80
LÆKNANEMINN • 1. tbl. 1999, 52. árg.