Goðasteinn - 01.09.1967, Qupperneq 13

Þarna var í sandinum vöruflutningabíll, sá fyrsti er kaupfélagið
eignaðist. Ók Ágúst nú Sæmundi og Pétri heim til bæjar og hin-
um öðrum sjóhröktu mönnum. Voru þeir komnir að Hallgeirs-
eyjarhjáleigu um klukkan io árdegis. Var Pétur borinn inn í íbúð
Ingvars bónda, en Sæmundur í íbúð Gunnars Vigfússonar. Var nú
fyrst undið að því að hlynna að þeim, sem verst voru leiknir, þeim
Sæmundi og Pétri. Meðan á því stóð, sagði Guðrún húsfreyja í
Hallgeirseyjarhjáleigu við Guðjón í Miðhjáleigu: „Það er ekkert
um þig hugsað, Guðjón, þú ert ekki einu sinni farinn að fara úr
bleytunni.“ Guðjón svaraði hinn rólegasti: „Það er allt í lagi með
mig.“
Sæmundur og Pétur höfðu nú verið háttaðir ofan í rúm og hjúkr-
að eftir beztu getu. Var ákveðið að gefa þeim áfengisskammt, en
þegar til átti að taka, var ekkert áfengi til í bænum. Einn þeirra,
sem vann við uppskipunina, átti lögg á pela, og var pelinn í dóti
hans suður í sandi. Var þá strax farið suður eftir og pelinn sóttur.
Hringt var að Stórólfshvoli, til þess að ná í lækni, en hann var ekki
heima, og náðist ekki til hans. Sent var eftir konu Péturs og var
hún hjá honum í 3-4 sólarhringa. Sæmundur hresstist fljótt, fór
hann heim daginn eftir. Hinir mennirnir fóru heim samdægurs eft-
ir að hafa þegið hressingu.
Guðrún í Hallgeirseyjarhjáleigu lagði mikla vinnu og alúð í
hjúkrunarstarfið. Komu þar fram sem oftar mannkostir hennar
og hjálpsemi.
Þegar Guðrún var að hita kaffi, skömmu eftir að mennirnir
komu þar heim, sat Guðjón Guðmundsson við borðið og hafði
lagt hægri handlegg ofaná plötuna. Skalf Guðjón þá svo mjög, að
borðið hristist og titringur fannst á gólfinu, en það var timburgólf.
Stuttu eftir þetta fór að bera á vöðvarýrnun í hægri handlegg Guð-
jóns, og fékk hann aldréi bót á því meini - og gekk aldrei heill til
skógar síðan. - Guðjón hélt heim samdægurs, nær miðjum degi.
Fyrir vestan Úlfsstaðahverfi mætti honum unglingspiltur, og var
sá að fara suður í sand. Þótti pilti undarlegt, að Guðjón var þá
að kasta upp, og kúgaðist svo, að upp úr honum gekk blóð.
Goðasteinn
11