Goðasteinn - 01.09.1967, Qupperneq 33

Ólafsstyttan. Stiklastaðakirkja í baksýn.
ein þar í bænum héti eftir Gunniaugi. Þótti okkur íslendingum það
harla forvitnilegt og fórum að máltíð lokinni að leita götunnar. En
vonbrigði okkar urðu mikil, því að við rannsókn kom í ljós að hún
hafði fyrir skömmu verið skírð upp og heitir nú Sjávargata.
Þegar norður í Vcrdal kom, var mikill viðbúnaður fyrir Ólafs-
vökuna. Hvarvetna blöktu fánar og veifur og víða höfðu verið
festar upp myndir og annað skraut til að minna á hinn heilaga kon-
ung og sögu hans. Gengið var í forna kirkju að Stiklastöðum og
staldrað við hjá Ólafsstyttu þar sem von bráðar hófst sýning á
fyrrnefndu hátíðaleikriti um Ólaf helga. Höfundur þess er Olav
Gullvág og tónlistina samdi Paul Okkenhaug. Aðalhlutverkið lék
Gisle Straume og túlkaði hann konung af mikilli snilld. Áhorf-
endur voru mjög margir og varla færri en 5000 og sýningin í heild
áhrifamikil og fögur.
Goðasteinn
31