Goðasteinn - 01.09.1967, Qupperneq 84

Enginn veit, sem ekki sá,
öll þar teiknuð fræði.
Hans var yndi að hlusta á
hjartaslög og kvæði.
Björk þar stóð á bergsins stall,
blaðrík, há og fögur,
hlustaði á fossins fall
og frónskar ættasögur.
Aldrei fer hann fötum úr,
flestu á hefur gætur,
enginn tími að taka dúr,
trúr um daga og nætur.
Aldir tímans allar sá
og kann spursmál losa.
Nábúa sér nefnir þá
Núpa-Bárð og Flosa.
Manndómsverk hann meta kann
og mest um hetjur kveður.
Hitnar þá um hyggjurann
og harðar flúðir veður.
Undraviðburð inni ég frá,
enn með sanni klárum:
I geislaskrúði gyðju sá
ganga á þínum bárum.
Undir brekku bærinn einn,
blikaði sól á þiljum,
yfir gnæfði Grettissteinn,
gekk ekki undan byljum.
82
Goðasteinn