Goðasteinn - 01.09.1967, Síða 85

Þremur björgum þar á stóð,
þegi frásögn blöndum,
eins og væri hagleg hlóð
hlaðin af mannahöndum.
Oft við höfðum allsósmeyk
af því mikið gaman
undir honum leggja í leik
listarauka og framann.
Frækni mesta framdi sá
og fagnaði sigri snjöllum,
sem klettinn harðan kleif upp
kvað við lof frá öllum.
Annað bjarg í breiðri klöpp,
barið jökli svölum,
bújörð var með beztu höpp,
beitt kögglum og völum.
Tábeinið var tófa frek,
tætti hjörð í sundur.
Völustalli sú var sek,
sem var bezti hundur.
Hjörð vaktaði seppi sá,
sveikst ekki um á verði,
hafði gætur öllu á,
eins þó hríðar gerði.
Þar var líka byggður bær,
búslóð öll í standi.
ílát voru uxatær
og aða af brimlasandi.