Mímir - 01.07.1987, Qupperneq 58

Linguistics Abstract er rit sem hefur verið
gefið út í Oxford sl. tvö ár, íjögur hefti árlega.
Það birtir nær eingöngu útdrætti úr greinum
sem birst hafa í ýmsum tímaritum víða um
heim. Mörg þeirra rita eru ekki til hér á landi,
þannig að þetta kemur sér ákaflega vel; þarna er
hægt að fá nasasjón af efni greinanna og meta
síðan hvort ástæða sé til að panta ljósrit af
þeim. — Ritið er til á Háskólabókasafni.
Nordic Journal of Linguistics er gefið út af
Norræna málfræðingafélaginu, og koma tvö
hefti á ári; ritið kemur út í Osló, en ritstjórar
þess hafa ýmist verið norskir, finnskir eða
sænskir. Þetta er tæplega 10 ára gamalt rit sem
var stofnað upp úr öðru gamalgrónu, Norsk
tidsskrift for sprogvidenskab. Ritið er að mestu
leyti á ensku. Það hirtir einkum greinar um
samtímalega málfræði norrænna mála, þótt
sögulega málfræði sé þar að finna. Margar
greinar um íslensku hafa birst þar, bæði sam-
tímalegar og sögulegar, og ýmist eftir fslendinga
eða aðra. — Ritið er til á Háskólabókasafni, og
forveri þess einnig.
Nowele er tímarit um sögulega málfræði, gef-
ið út í Oðinsvéum, og hefur aðeins komið út í
þrjú ár; tvö hefti á ári. Það birtir eingöngu
greinar um sögulega málfræði og samanburðar-
málfræði, og þar hafa komið greinar sem varða
sögu og forsögu íslensks máls. — Ritið er til á
Háskólabókasafni.
Phonetica er eitt helsta hljóðfræðitímarit
heims, gefið út í Sviss. Þar hafa birst nokkrar
greinar um íslensku. — Háskólabókasafn erný-
byrjað að kaupa ritið, en eldri árgangar þess eru
hér ekki á söfnum.
Eiríkur Rögnvaldsson
Mímir þakkar eftirtöldum
aðilum veittan stuðning
Bókaútgáfa menningarsjóðs og þjóðvinafélagsins Skálholtsstíg 7 Reykjavík s. 621822 Eyjaprent h.f. Strandvegi 47 Vestmannaeyjum
Sparisjóður Vestmannaeyj Vestmannaeyjum

Rúnar Gunnarsson arkitekt F.A.Í.
Vinnustofa Klapparstíg 25-27. S. 21014 Sölustofnun lagmetis Síðumúla 37 Reykjavík
Vinnslustöðin hf.
Vestmannaeyjum Samfrost Strandvegi 50 Vestmannaeyjum
Samtog sf. Vestmannaeyjum Lifrarsamlag Vestmannaeyja
Hraðfrystistöð Vestmannaeyja hf. Strandvegi 50 Vestmannaeyjum
Vestmannaeyjum.
58