Læknaneminn - 01.04.2018, Síða 7

Á
vö
rp
o
g
an
ná
la
r
7
Annálar undirfélaga 2017-2018
Fulltrúaráð

Sigrún Jónsdóttir
formaður Fulltrúaráðs 2017-2018
Tíminn líður hratt á gervihnattaöld. Eina
stundina situr maður sveittur yfir bókunum
með Hámubolla frá elsku Hafdísi. Aðra
stundina fagnar maður langþráðum próf­
lokum. Með haustinu fylgja svo nýir
nemendur sem enn fá martraðir þegar þeir
sjá Mennta skólann í Hamrahlíð. Fulltrúaráð
tekur þeim opnum örmum og sér til þess að
allir njóti læknis fræðinnar   til hins ýtrasta,
því hvað væri nemendafélag án félagslífs?
Nýnema ferðin hristir svo hópinn saman en
í ár lá leiðin suður þar sem fyrsta árið gisti
eina nótt í félagsheimilinu Brúarlundi. Ferðin
var farsæl fyrir utan það að rútubílstjóranum
seinkaði örlítið og enduðu nemendur fyrsta
árs því óvænt í skírnarveislu sem fór fram
í félagsheimilinu á sunnudeginum.
Föstudagar veita háskólanemum ómælda
gleði og hefur fulltrúaráð það að markmiði
að bjóða aðildarfélögum upp á þéttskipaða
dagskrá vísindaferða yfir árið. Vonandi
hafa læknanemar notið góðs af afrakstri
Guðrúnar Svanlaugar Andersen og Thelmu
Kristinsdóttur en þær báru ábyrgð á vísinda­
ferðum félagsins síðastliðið ár og stóðu sig
með stakri prýði.
Aðrir meðlimir fulltrúaráðs stóðu sig einnig
vel. Í ágúst bættust við ráðið tveir fulltrúar
af fyrsta ári, Alexandra Ásgeirsdóttir og
Aðalbjörg Ýr Sigurbergsdóttir, en hlutverk
þeirra var að skipuleggja fótboltamót félagsins
og Læknaleikana. Fótboltamótið var haldið
í Hamarshöllinni í Hveragerði þar sem þriðja
árið bar sigur úr býtum og fengu keppendur
afslátt á veitingastöðunum Ölverk og Skyr­
gerðinni sem margir nýttu sér eftir mótið.
Skíðaferðin var ekki aðeins skemmtileg heldur
einnig viðburðarík. Hópurinn lagði af stað
til Akureyrar á föstudegi og byrjaði ferðin
með heimsókn í Kalda þar sem hópnum var
tekið opnum örmum. Þaðan var haldið áfram
til Akureyrar þar sem Greifinn bauð upp á
dýrindis flatbökur. Þar sem Akureyringar
halda sig heima fyrir á föstudögum var bærinn
heldur tómur en það gerði ekki mikið til
þar sem alls voru 100 manns í ferðinni og
fylltu því Pósthúsbarinn hæglega. Fjallið olli
vonbrigðum, annað árið í röð, en hópurinn
lét það ekki stoppa sig og hélt 50 manna
hópur af stað til Dalvíkur um morguninn.
Á sunnudeginum var það hins vegar ekki
einungis fjallið sem var til vandræða heldur
líka veðrið. Hópurinn hélt í vonina um að
komast heim en þurfti að sætta sig við aðra
nótt á Akureyri. Gistiheimilið Akureyri
Backpackers kom til móts við ferðalanga og
bauð aðra nótt á frábæru tilboði. Hópurinn
komst heim, heill á húfi, á mánudeginum eftir
langa og stranga rútuferð.
Hápunktur ársins var svo án efa árshátíðin
sem var haldin í Austurbæ. Árshátíð Félags
læknanema er með þeim stærstu við Háskóla
Íslands en í heildina seldust 333 miðar. Hljóm­
sveitin Band Aids skemmti gestum fram eftir
nóttu en Friðrik Dór var leynigestur kvöldsins.
Að lokum langar mig að þakka fulltrúum
eldri ára, Signýju Rut Kristjánsdóttur, Önnu
Guðlaugu Gunnarsdóttur og Valgerði Bjarna­
dóttur sérstaklega fyrir þeirra þátt í skipu­
lagningu árshátíðarinnar sem og fyrir að vera
ávallt innan handar.
Efri röð: Valgerður Bjarnadóttir, Thelma
Kristinsdóttir, Signý Rut Kristjánsdóttir, Guðrún
Svanlaug Andersen og Alexandra Ásgeirsdóttir
Neðri röð: Anna Guðlaug Gunnarsdóttir, Sigrún
Jónsdóttir og Aðalbjörg Ýr Sigurbergsdóttir