Menntamál - 01.04.1962, Blaðsíða 28

18
MENNTAMÁL
ýmiss konar form í þrem litum. Þegar rauðu eða bláu
tölurnar eru notaðar, leggur nemandinn kubbana á talna-
spjald í kassabotninum samkvæmt verkefninu, og vísa
tölurnar á kubbunum til númeranna á spurningunum og
númerin á svörunum til talnanna á talnaspjaldinu.
Þegar lagt hefur verið í kassann, er lokið sett á, kass-
anum snúið við, botninn tekinn upp úr og svarmyndin
blasir við. Hafi nemandinn ekki leyst verkefnið rétt, sést
missmíði á svarmyndinni, 0g má þá taka upp kubbana,
sem rangt voru lagðir og sjá á bakhliðinni númerin á
spurningunum, sem rangt var svarað.
Þegar grænu tölurnar eru notaðar, leggur nemandinn
kubbana á litaspjald A, B eða C, eftir því sem við á. Á
litaspjaldi A eru reitirnir í tveim litum, á B í þrem og á
C í fjórum litum. Leggja má á hvaða samlitan reit, sem
vera skal. Þegar nemandinn hefur lokið við að leggja í
kassann, er lokið sett á, kassanum hvolft við, botninn
tekinn upp og viðeigandi gataspjald lagt yfir kubbana.
Sé verkefnið rétt leyst, sést engin tala í gegn um götin
á spjaldinu, en hafi einhver kubbanna verið lagður á
rangan reit, sést lítið númer í gegn um gatið á spjaldinu,
og er það númerið á spurningunni, sem rangt var svarað.
Höfuðkostur slíkra mynztraðra kennslutækja er sá, að
kennarinn getur í einni sjónhendingu gengið úr skugga
um, hvort verkefnið sé rétt leyst eða ekki og látið í té
aðstoð og leiðbeiningar, meðan hugur nemandans er enn
bundinn viðfangsefninu. Mergð slíkra tækja er til í grann-
löndunum, en við gerð skólakubbanna hafði ég hliðsjón
af hinu ágæta sænska „Universal leggmateriel" mag.
Hemming Palins.
Lestur.
Til notkunar með skólakubbunum eru 2 hefti með æfing-
um í hljóðlestri. 24 æfingar eru í hvoru leshefti, orða-
forðinn í báðum heftunum er um 930 orð, og eru þau