Menntamál - 01.04.1962, Blaðsíða 46

36
MENNTAMÁL
um. Byrjað var á húsinu í ágúst í fyrra, en 1. júní í vor
tók þar til starfa leikskóli. Var þá tæpur helmingur húss-
ins fullgerður og hafði kostað 2,2 milljónir króna. Bæjar-
sjóður Reykjavíkur veitti 300 þús. kr. til framkvæmd-
anna, Styrktarsjóður vangefinna 500 þús. kr., en félagið
lagði sjálft til 1,400.000,00 kr. Sjóður kvenna í Styrktar-
félaginu bjó heimilið nauðsynlegum húsgögnum og leik-
föngum. Heimilinu var gefið nafnið Lyngás. Þar eru nú
14 börn og von á þrem í viðbót næstu daga. í þessum
tveim stofum, sem teknar hafa verið í notkun, rúmast
í hæsta lagi 20 börn. Þegar húsið er fullgert, rúmar það
40—50 börn og á þá að verða fullkomið dagheimili, þar
sem börnin geta dvalið frá kl. 9—6 dag hvern og fengið
heitan hádegisverð. Nú er allt fé gengið til þurrðar í bili
og byggingarframkvæmdir liggja niðri. Á heimilinu
starfa 2 fóstrur, auk forstöðukonu, og er ein þeirra handa-
vinnukennari. Leitazt verður við að kenna þeim börnum
föndur og handavinnu, sem það geta lært. Kennari er
þarna á hverjum morgni og veitir þeim börnum tilsögn
í lestri og bóklegum greinum, sem þess geta notið. Tal-
kennari kemur þar annan hvorn dag og sjúkraþjálfara á
að fá að stofnuninni vegna þeirra daglegu æfinga, sem
mörg barnanna þurfa. Læknir og sálfræðingur starfa og
við heimilið og fylgjast með þroska barnanna. Allt er
þetta á mótunarstigi enn, þar sem hliðstæð stofnun hef-
ur aldrei starfað hér áður. En ég hygg, að hún hafi þeg-
ar náð þeim tilgangi, sem hún átti að hafa í upphafi, að
létta undir með heimilunum. En tilgangur okkar er jafn-
framt sá, að þarna rísi upp stofnun, sem með réttri og
markvissri handleiðslu komi börnunum til nokkurs þroska.
Að vísu hlýtur að verða svo, meðan skortur er á nægu
rúmi á hælunum, að við verðum að taka við börnum á
dagheimilið, sem í sjálfu sér ættu frekar að vera á hæli,
en það er erfitt að neita um vist, meðan ekki er hægt
að benda á aðra hentuga stofnun fyrir viðkomandi aðila.