Menntamál - 01.04.1962, Blaðsíða 19

MENNTAMÁL
9
Á þriðja degi fundarins voru samþykktar tillögur með
verulegum meiri hluta atkvæða, sem fóru gersamlega í
bága við ákvæði 2. gr. Þá skarst í odda milli meiri og
minni hluta fundarmanna. Forustuna í þeim átökum hafði
Helgi Hjövar f. h. minni hlutans. Síðar þennan sama dag
tók fundurinn aftur þessar nýsamþykktu tillögur og stefna
meiri hluta sjö manna nefndarinnar var samþykkt í öll-
um aðalatriðum.
Samband íslenzkra barnakennara var því stofnað eins
og fyrr segir 17. júní 1921.
Þetta kvöld að loknum fundi var haldið lokahóf og
ríkti fyllsta ánægja yfir málalokum, hins vegar var játað,
að uggvænlega hefði horft um tíma.
Eftir þeim ákvæðum 1. og 2. gr., sem samþykkt voru,
hefur sambandið mótað störf og stefnu, og vík ég nú með
fáum orðum að 40 ára starfi þessara samtaka.
Fyrsta stjórn S.Í.B. var þannig skipuð:
Bjarni Bjarnason, skólastjóri, Hf., formaður.
Hallgrímur Jónsson, kennari, Rvk, ritari.
Sigurður Jónsson, kennari, Rvk, gjaldkeri.
Hervald Björnsson, skólastjóri, Borgarnesi.
Guðmundur Jónsson, kennari, Rvk.
Svava Þorleifsdóttir, skólastjóri, Akranesi.
Nokkuð deildu menn um það, hvort sambandið ætti að
byggjast upp af einstaklingum eingöngu, kennarafélög-
um eingöngu eða hvoru tveggja. Ýmsum okkar fannst
óþarfi að deila um þetta, reynslan yrði að skera úr um
ýmis formsatriði. í framkvæmdinni hefur það reynzt rétt,
sem Steingrímur Arason hélt fram, að sambandið mót-
aðist af félögum eingöngu. Hvað sem þessum skoðana-
mun leið, tókst að stofna samband með barnakennurum
á þeim grundvelli, sem bjó komandi tímum möguleika til
sjálfstæðrar, eðlilegrar þróunar, svo sem þegar er sýnt,