Menntamál - 01.04.1962, Blaðsíða 51
MENNTAMÁL
41
verði, hvaða raunfræði komi þar helzt við mál. Taki mað-
ur sjávarútveginn sem dæmi, yrði fyrst fyrir stutt saga
hans, lýsing fisktegunda, skipa og véla og veiðtækja á sjó
og í vötnum, tegundir afla og þar fram eftir götunum.
Þar á heima sú landafræði, sem varðar ströndina og mið-
in og náttúrufræði fiska og annarra sjávardýra.
Á sama hátt þarf að fara með landbúnað, hverju nafni
sem nefnist, eins orkustöðvar og efnaverksmiðjur í land-
inu og allan iðnað annan, svo sem málm-, plast- og bygg-
ingariðnað.
Þessa fræðslu má byrja með fyrirlestrum, unz bækur
hafa verið samdar. Stíla þarf að gera á íslenzku og er-
lendum tungumálum, svo og teikningar. Unglingar frá
skyldunámi ættu að geta valið um, hvort þeir aðhylltust
gagnfræðanám hugfræða, en það vil ég kalla bóknámið,
eins og það er nú, eða raunfræða, hið nýja nám.
En gagnfræðaskólar verknáms héldust vitaskuld
óbreyttir.
Kem ég þá að bráðabirgðatillögu um gagnfræðanám
raunfræða, 3. og 4. bekk saman:
Tungumál, m. a. þýzka ............ 32 stundir á viku.
Teikning, leikfimi og kennsla um
mannslíkamann .................... 9 — - —
Reikningur, eðlis- og efnafræði, eða
raunfræði........................ 22 — - —
Atvinnufræði ........................ 8 — - —
Samtals í báðum .... 71 stund á viku.
Atvinnufræðin kemur í stað sögu, landafræði og nátt-
úrufræði, enda felast landafræði, jurta- og dýrafræði í
atvinnufræðinni.
Teikning yrði meiri en í menntaskólanáminu, tungumál
eins, en raunfræði 22 stundir í stað 19.