Menntamál - 01.04.1962, Blaðsíða 87

MENNTAMÁL
77
Floud, að gefa ágætum hæfileikum jafnan kost á námi
og menntun, þó að þeir spretti fram úr lágstéttum og
foreldrar ungmennanna hafi ekki notið æðri menntunar.
Hins vegar erum við mjög fjarri þessu marki. Um það
tók frúin England og Frakkland til dæmis, þ. e. lönd með
margbrotna stéttaskiptingu og háþróuð skólakerfi. Með
ljósum tölum sýndi hún fram á það, að mjög fá ung-
menni úr erfiðis- og iðnaðarstéttum sækja æðri skóla,
og veldur því bæði fátækt — ekki hægt að missa atvinnu-
tekjur unglingsins né greiða skólagjöld fyrir hann — og
svo skilningsleysi almennings á gildi æðri menntunar, eða
eins og dr. Wolfle orðaði það: ,,— if there are no books
at home, if the parents have no intellectual interests, if
education has not been made to seem desirable, the child
is not so likely to be eager to start his own education“.
Vegna þessa glatast oft afburðahæfileikar. Samtímis verð-
ur skorturinn á tæknimenntuðum mönnum ávallt tilfinn-
anlegri.
Það er því ekki eingöngu hæfileikamunur, heldur einnig
aðstöðumunur, sem veldur því, hve litla hlutdeild erfiðis-
mannastéttir sumra þjóða eiga í stúdentahópi háskólanna.
Jean Ferrez frá Frakklandi færði sönnur á það, að að-
sókn að framhaldsskólum og æðri skólum, eftir að skyldu-
námi lýkur, væri miklu minni frá strjálbýlum landbún-
aðarhéruðum Frakklands en úr þéttbýlum iðnaðarhéruð-
um, að tiltölu við fólksfjölda. Vöktu staðtölulegar rök-
semdir hans óskipta athygli þingsins, en ekki er rúm til
að rekja þær hér. Þó að sumt minnti á aðstöðumun lands-
hlutanna hér heima, mun hann þó hvergi koma jafn skýrt
fram í aðsókn æskunnar að æðri skólum og Jean Ferrez
sýndi dæmi um í heimalandi sínu.
Dael Wolfle hafði minnt á athyglisverða samkeppni um
námsstyrk í Bandaríkjunum á síðastliðnu ári. Úr 550.000
stúdentum var valinn 831 styrkþegi. Kröfur um náms-
afrek og hæfni voru mjög háar, enda gat styrkurinn