Menntamál - 01.04.1962, Blaðsíða 47
MENNTAMÁL
37
Vonandi verður þróunin sú í framtíðinni, að öllum skjól-
stæðingum Styrktarfélags vangefinna verði búinn staður
við hæfi hvers og eins, þar sem möguleikar eru fyrir
sem mestum þroska. En það á enn langt í land.
Rekstur þessa dagheimilis er og verður alltaf mjög fjár-
frekur, og verður félagið aldrei fært um að sjá um hann
af eigin rammleik. Má segja, að það sé bjartsýni úr hófi
fram að fara af stað með hann án þess að hafa fyrst
skapað fastan fjárhagslegan grundvöll.
Fræðsluyfirvöldin sýndu starfi félagsins þann skilning,
að fá heimilinu í Lyngási ein kennaralaun til ráðstöfun-
ar, og var jafnframt gefið leyfi til að skipta þeim milli
fleiri aðila, er þarna stunda kennslu.
Sótt hefur verið um rekstrarstyrk til bæjar og ríkis.
Ég vil einnig geta þess hér, að Styrktarfélag vangef-
inna gerðist í vor stofnaðili að Öryrkjabandalagi Islands,
sem er samband allra starfandi öryrkjafélaga í landinu.
Þau hafa nú tekið höndum saman um framgang sam-
eiginlegra hagsmunamála sinna, en eru algjörlega aðskil-
in að öðru leyti. Er vonandi margs góðs að vænta af því
samstarfi.
Ég vil að lokum afsaka þetta sundurlausa erindi, sem
er engan veginn tæmandi. Ég vona þó, að mér hafi tek-
izt að gefa nokkra hugmynd um þau málefni, sem Styrkt-
arfélag vangefinna hefur á stefnuskrá sinni. Mér er ljúft
og skylt að geta þess, að við höfum alls staðar mætt
samúð og skilningi, bæði hjá almenningi og opinberum
aðilum, og eykur það baráttuviljann. Ég vil við þetta
tækifæri þakka þá aðstoð, sem kvenfélögin hér í bæ og
annars staðar hafa veitt okkur konum í félaginu, bæði
með fjárframlögum og öðrum gjöfum á bazarinn okkar
s.l. vor.
30. október 1961.
Sigríður Ingimarsdóttir.