Menntamál - 01.12.1964, Side 68

210
MENNTAMÁL
Og nú leyfi ég mér að bera fram þá bón til yðar, velæru-
verðugi Líú Fan Sí við Húanghó, að ef þér fáið þetta mitt
bréf með skilum, þá eyðið einrii smástund af yðar mjög svo
dýrmæta tíma og teiknið á blað svarbréf til mín. Ef svo fer,
að þér með næsta vaxandi tungli fengjuð hentugt tækifæri
til þess að senda mér svarbréf, rnyndi það veita mér mikla
gleði að taka á móti því. Þar með myndi ég ekki einungis
geta sannað löndurn mínum, að Kína-land er ennþá, 1. s. g.
á jarðarkringlunni, — ég myndi einnig benda á það, að
þótt land yðar sé ævintýralega langt í burtu, þá eru þó
vegalengdir og leiðir á eylandi mínu, íslandi, eittlivað í ætt
við leiðina til Marz.
Þetta vil ég útskýra nánar fyrir yður, virðulegi Líú Fan
Sí við Húanghó.
Svo er mál með vexti, að á árinu 1963 var mér undirskrif-
uðum veittur sá heiður að vera kvaddur til forustu ttm sölii-
un minja, er snerta fræðslu og skólamenningu í landi mínu.
Ég hef séð það á bækur skráð, að þér Kína-menn, a. m. k.
meðan þér voruð og hétuð, hafið haldið minningu forleðr-
anna í lieiðri og geymið verk þeirra mörg og merkileg í
höllum og musterum. Munuð þér, herra Líú Fan Sí, því
skilja það, að tímabært muni orðið á eylandi mínu að
samla einhverjum fyrrnefndum minjum eftir eitt þúsund
og níutíu ára gamla skráða sögu þjóðarinnar.
Nú gerðist það liinn 31. janúar 1964, að ég sendi héðan
úr höíuðborginni, Reykjavík, 400 bréf út um byggðir og
bæi lands míns. liréf þessi voru með virktum árituð í skrif-
stofu fræðslumálastjóra landsins og stíluð til skólastjóra og
formanna skólanefnda og fræðslunefnda, — segi og skrifa
fjögur hundruð bréf. Eftir 10 tunglkomur frá útsendingu
bréfanna, hafði mér undirskrifuðum borizt eitt svarlnéf,
— segi og skrifa eitt bréf.
Nú vil ég skjóta því hér inn, heiðraði I.íú Fan Sí, að ég
geri ekki ráð fyrir því, að þér séuð kristinn maður, og segi
ég það ekki í þeirri merkingu, að ég líti niður á yður fyrir