Menntamál - 01.12.1964, Page 84

226
MENNTAMÁL
prófi ljúka við Kennaraskóla íslands, gefa ekki kost á sér
til kennslustarfa, heldur snúa sér að öðrum og betur laun-
uðum störfum. Mikil brögð hafa t. d. verið að því á undan-
förnum árum, að barnakennarar flytjist yfir á gagnfræða-
stigið, en kennaraprófið veitir kennsluréttindi á öilu skyldu-
námsstiginu (7—14 ára). Þetta hvort tveggja veldur því, að
ráðnir eru til kennslustarfa á barnafræðslustigi menn, sem
ekki hafa þá undirbúningsmenntun, sem krafizt er af kenn-
urum lögum samkvæmt.
Réttindalausir menn eru einnig ráðnir til kennslustarfa
til að rnæta eðlilegri fjölgun kennara vegna sívaxandi
barnafjölda á skólaskyldualdri og til að skipa sæti þeirra,
sem hverfa úr starfi. Þessi þróun er algcrlega óviðunandi
og brýn nauðsyn skjótra aðgerða til úrbóta.
Samtök kennara víðs vegar um land og fulltrúaþing S. í.
B. liafa oft áður bent á, að úr þessu verður ekki bætt,
nema með verulegri launahækkun til kennara. Var ítrekuð
sú krafa, að sömu laun skuli greiða öllum kennurum á
skyldunámsstiginu miðað við sömu menntun.
Enn fremur átaldi ráðstefnan harðlega þann óeðlilega
drátt, sem orðið hefur á samningum um sérmál kennara,
sem senija skal um sérstaklega við ríkisvaldið samkvæmt
ákvæðum kjaradóms. Mál þessi bíða enn óleyst, og hafa
kennarar nú beðið árangurslaust eftir því nokkuð á annað
ár, að þau yrðu afgreidd.
Þá lýsti ráðstefnan yfir óánægju sinni vegna þess, að ekki
hafa enn komið til framkvæmda ákvæði kjaradóms um
kaffitíma. Ráðstefnan lagði eindregið til, að þessum og
öðrum ágreiningsatriðum væri vísað til réttra úrskurðar-
aðila þegar í stað.
Ymis önnur mál stéttarinnar voru einnig reifuð og rædd.
Voru menn almennt ánægðir með þessa fyrstu formanna-
ráðstefnu S. I. B. og töldu, að slíkar ráðstefnur væru nauð-
synlegur tengiliður rnilli kennara úti um land og sambands-
stjórnar.