Morgunn - 01.06.1948, Síða 64

54
MORGUNN
Hver var þessi furðulegi gestur? Vér vitum ekki annað
um það en það, sem hún sagði sjálf. Hún kvaðst heita Katie
King, en nafn sitt á jörðunni hefði verið Morgan. Hún gaf
margvislegar upplýsingar um sig, og kvaðste hafa lifað á
jörðunni fyrir tveim öldum á eynni Jamaica. Þessi furðulega
stúlka dvaldist tímum saman með f jölskyldu Sir Williams,
meðan ungfrú Cook lá í djúpum transi í innra herberginu,
hún sagði börnum hans sögur og gerði sig svo heimakomna,
að hún bað um, að barn þeirra hjóna, þriggja vikna gam-
alt, væri sótt upp í svefnherbergið, svo að hún fengi að
skoða það. Þetta var gert og Katie tók barnið í fang sér
og rétti það brosandi móðurinni eftir augnablik aftur. Sir
William segir, að fegurð hennar og yndisþokki hafi verið
ósegjanlega mikill. Eftir þrjú ár sagði hún, að nú væri
hlutverki sínu lokið, hún kvaddi hjartanlega og hvarf og
kom aldrei aftur, en aðrar verur tóku að líkamast hjá ung-
frú Cook, en enginn þeirra eins skýr og Katie King.
Skáldkonan alkunna, Florence Marryatt (frú Ross-
Church), hefir skráð merkilegar sögur um Katie King,
þegar Sir William var fjarstaddur. Katie hafði sagt við
fundarfólkið, að gaman væri fyrir það að sjá afleiðingar
þess, að ljósi væri brugðið á sig full-líkamaða, og skáld-
konan segir svo frá:
„Katie King hafði tekið sér stöðu upp við dagstofuvegg-
inn og stóð þar með útréttum armleggjum. Þá voru þrjú
gasljós með fullu ljósi kveikt í herberginu, sem var um
það bil 16 ferhyrningsfet. Afleiðingamar urðu undursam-
legar. Augnabliksstund stóð Katie óbreytt í ljósinu, þá tók
hún bókstaflega að bráðna, eins og vaxbrúða í heitum
eldi. Fyrst runnu andlitsdrættimir út, augun féllu inn í
tóftirnar, nefið hvarf, andlitið féll saman. Þá var eins og
fætur hennar létu undan, hún smálækkaði, féll saman'á
gólfábreiðunni, höfuðið eitt sýndist eftir, því næst eins
og lítil hjúpuð hrúga, sem hvarf með snöggri hreyfingu,
eins og einhver kippti henni eldsnöggt burt, en við stóð-