Árbók VFÍ/TFÍ - 01.06.2007, Blaðsíða 17

Verkefnin sem hlutu viðurkenningu í janúar 2007 eru:
„Göngubrú úr trefjastyrktum fjölliðum" var yfirskrift lokaverkefnis Davíðs Þórs
Marteinssonar byggingartæknifræðings. Markmiðið var að skapa þann valkost að byggja
mannvirki úr trefjastyrktum fjölliðum eða trefjaplasti. Mikilvægt er fyrir hönnuði og
byggingariðnaðinn að leita nýrra leiða og nýrra lausna við hönnun og gerð mannvirkja.
Verkefnið lýsir áræði og framsýni þar sem gerðir eru útreikningar sem leiða til rök-
studdrar niðurstöðu um möguleika tengda þessum byggingarefnum.
„Octiput parlausn" var heiti lokaverkefnis Hrafns Nikolai Ólafssonar, Knúts Rúnars
Jónssonar og Vals Birgissonar iðnaðartæknifræðinga. Gerð var úttekt á nýrri heildarlausn
sem sameinar virkni tveggja skurðarvéla í matvælaiðnaði. í verkefninu var markaðs-
umhverfið skoðað fyrir vöruþróunarverkefni. Verkefnið varpar ljósi á mikilvægi vand-
aðra vinnubragða, útsjónarsemi og samvinnu við að finna bestu lausn á viðfangsefninu.
„Þurrkun á vörum framleiddum úr endurunnum pappír" var yfirskrift lokaverkefnis
Magnúsar Blöndahl vél- og orkutæknifræðings. Markmiðið með verkefninu var að finna
aðferð til að þurrka vörubretti framleidd úr pappír og skapa vitneskju um þurrkunar-
ferlið. Niðurstöðurnar sýna að ástæða er til að halda áfram með frekari þróun á búnaði
og tækni til að þurrka pappírsmassa.
„Hnoðsteypa - eiginleikar og notkun" var heiti lokaverkefnis Þorvaldar Konráðssonar
byggingartæknifræðings. Unnið er út frá tækni sem gerir kleift að ná sambærilegum
styrkleika og með hefðbundinni steypu en notað er umtalsvert minna af sementi.
„Síritandi hitamælir fyrir háhita borholur" var yfirskrift lokaverkefnis Stefáns Winkel
Jessen rafmagnstæknifræðings. Ekki eru til hitamælar fyrir borholur sem mæla hærra
hitastig en 400°C. Helstu orkufyrirtæki landsins eru að hefja tilraunaboranir á svoköll-
uðum djúpborholum þar sem gert er ráð fyrir að finna megi mjög heita gufu. Verkefnið
einkennist af þrautseigju og útsjónarsemi þar sem leitast er við að leysa vanda vísinda-
manna á jarðhitasviði.
Þróun félagsgjalda TFÍ 1992 til 2006
Miðað við launavísitölu í janúar 2007 voru félagsgjöld á árinu 2006
um 38% lægri en á árinnu 1992. Félagsgjöld 2007 hækkuðu um
1000 kr. (4%), sem er 6% raunlækkun miðað við launavísitölu. Hún
hækkaði um 11% á milli áranna 2006 og 2007.
Félagafjöldinn
Stjórn TFÍ hefur lagt sig fram um að fá fleiri tæknifræðinga til að
gerast félagar í TFI. Öflugt og fjölbreytt starf og góð tengsl við
Tækniháskólann, nú Háskólann í Reykjavík, hefur laðað tækni-
fræðinga að félaginu. Sérstaklega er ánægjulegt að sjá að nýút-
skrifaðir tæknifræðingar sækja nær undantekningarlaust um
aðild. Hér til hliðar á síðunni er graf sem sýnir þróun félaga-
fjöldans frá 1996 til 2006. Tölurnar miðast við árslok.
Þróun félagsgjalda TFÍ
1992 til 2006.
Launavísitala í janúar 2007.
Fjöldi félaga íTFÍ í árs-
byrjun 1996-2006.
1 5
Félagsmál Vfí/TFÍ