Árbók VFÍ/TFÍ - 01.06.2007, Blaðsíða 193
skiptir mjög miklu máli að kælihraðinn sé í takt við sýrustigsfallið svo að sem bestur
árangur náist. A árinu 2006 lauk verkefni um sölu sveitamatar frá bænum Smyrla-
björgum. Gerð var úttekt á möguleikum á framleiðslu sveitamatar sem seldur verður
ferðamönnum á staðnum. I úttektinni var m.a. tekið tillit til reglugerða, tækjaþarfa,
tiltæks hráefnis og nauðsynlegrar framleiðslukunnáttu. Haustið 2005 hófst verkefnið
Háþrýstimeyrnun í samvinnu við Marel, sem Tækniþróunarsjóður styrkir, og lauk því á
fyrri hluta ársins 2007. Gerðar eru rannsóknir á áhrifum háþrýstimeðhöndlunar á meyrni
með það í huga að auka meymi kjöts úr mismunandi vöðvum.
Fiskafurðir: Unnið var í tveimur síldarverkefnum um bætt gæði síldar til manneldis í
norrænu verkefni sem hefur verið unnið að síðan 2003 og öðru innlendu verkefni er
varða mælingar á geymsluþoli og öðrum gæðaþáttum. Verkefnið Notkun háorkurafpúlsa
í loðnubræðslum hófst aftur haustið 2005 og lauk því á árinu 2006. Það fjallaði um notkun
háorku rafpúlsa til að sprengja frumur en við þá meðhöndlun er mögulegt að ná lýsi úr
bræðslufiski við tiltölulega lágt hitastig sem er til mikilla bóta ef nýta á lýsið til mann-
eldis. Verkefnið „Hágæðakalk úr kúskel", er unnið í samvinnu við Islenskan kúfisk ehf.
á Þórshöfn. Tekist hefur að yfirstíga allar hindranir hvað varðar framleiðslu á hágæða-
sjávarkalki og er nú leitað leiða til að koma vörunni á markað. Verkefnið „Ahrif háþrýst-
ings á listeríu í laxi" hófst á árinu 2005 og lýkur því árið 2007. Listeríusmit hefur lengi
verið vandamál í laxaafurðum. Með því að meðhöndla laxaafurðir með háþrýstingi má
mögulega koma í veg fyrir listeríusmit og tryggja þar með öryggi neytenda.
Grænmeti, korn og mjólkurvörur: Unnið var að mælingum á andoxunarvirkni græn-
metis og var skýrsla gefin út á vegum Matra um samanburð milli íslensks og bresks
grænmetis. I verkefni um akrýlamíð, sem er norrænt samstarfsverkefni, voru gerðar
tilraunir með bökun til að rannsaka myndun akrýlamíðs við mismunandi hitastig.
Akrýlamíð er efni sem hugsanlega getur haft áhrif á heilsu fólks. Á árinu 2006 hófust
rannsóknir á íslenskum byggafurðum hjá Matra m.t.t. hollustuafurða sem finna má í
byggi, þ.á.m. andoxunarefni. Rannsóknir á skyri hófust í nóvember 2005. Rannsökuð
voru áhrif hráefnis- og vinnsluþátta á eiginleika skyrs með það að markmiði að auka
nýtingu og gæði í skyrframleiðslu. Verkefninu lauk með meistaraprófsritgerð
Guðmundar Guðmundssonar í mars 2007.
Gagnagrunnur á matvælasviði: Stuðningur til vinnu við íslenska gagnagrunninn um
efnainnihald matvæla, ISGEM, var lítill. Engu að síður var unnið af krafti við að uppfæra
og betrumbæta grunninn enda er hann mjög mikilvægur til hvers kyns fræðslu og
næringarfræðilegra rannsókna.
Tæknisvið
Hlutverk tæknisviðs er að stuðla að tækniþróun og nýsköpun í atvinnulífinu með þjón-
ustu, ráðgjöf, rannsóknum og þróun á tæknisviðum sem atvinnulífið sækist eftir þjónustu
á. Áhersla er lögð á samstarf við erlendar sem innlendar þekkingarstofnanir og tækni-
yfirfærslu frá vísindum til vettvangs atvinnulífsins. Meginverkefni eru rannsóknir, próf-
anir og tjónagreiningar, ráðgjöf, eftirlit og mælingar ýmissa efna og eðliseiginleika.
Lögð var áhersla við undirbúning nýrra verkefna á ný svið, sbr. stefnumörkun Iðntækni-
stofnunar, en þau eru orkulíftækni, heilsutækni, örtækni, umhverfistækni og efnis- og
framleiðslutækni. Mörg ný verkefni hófust á árinu, sérstaklega var ánægjulegt að sjá
örtækni tengda heilsutækni sem vaxandi starfsvið eftir uppbyggingu undanfarinna ára.
Samstarf við Pera Innovation í Englandi í gegnum I-Net samstarfið skilaði þremur
Evrópuverkefnum. Þessi verkefni eru tímamót fyrir sviðið þar sem aldrei hefur verið
meiri möguleiki til vaxtar og þekkingarsköpunar. Miklar vonir eru bundnar við
áframhaldandi samstarf við Pera og þær stofnanir aðrar sem mynda I-Net samstarfið.
Félagsmál Vfí/TFÍ
1 9 1