Árbók VFÍ/TFÍ - 01.06.2007, Blaðsíða 146

Framtíðarsýn
Flug er alþjóðlegt. Á íslandi gilda alþjóðareglur en nánast engar heimatilbúnar kröfur.
„Starfsemi okkar snýr annars vegar að almannaheill, að meta hvaða reglugerðir eru
væntanlegar og hvort eða hvernig við eigum að tileinka okkur þær," segir flugmálastjóri.
„Hins vegar fylgjumst við með þessum atvinnuvegi á íslandi: Flugrekendunum,
viðhaldsstöðvum, skólum, flugleiðsögu, rekstri flugvalla og svo framvegis. Við eigum
þátt í því að gera loftferðasamninga með það að markmiði að gera slíka samninga við
sem flestar þjóðir og við höfum náð ágætum samningum, svo sem við Kína. Við munum
halda áfram að þjónusta viðskiptavini okkar, veita þeim heimildir og fylgjast með þeim.
Við höfum fengið nýjan stóran viðskiptavin sem eru Flugstoðir ohf. Þar þarf m.a. að taka
tillit til Alþjóða flugmálastofnunarinnar og verkefnis ESB um Sameiginlega evrópska
loftrýmið (Single European Sky Program). Það verkefni snýst um að einfalda og auka
skilvirkni og flugöryggi í flugleiðsöguþjónustu í Evrópu og verkefni okkar hjá Flug-
málastjórn verður svipað hvað varðar flugleiðsöguþjónustu á Islandi og verið hefur með
annarri flugtengdri starfsemi.
Framundan eru spennandi verkefni og hefur Flugmálastjórn Islands það að leiðarljósi að
skilvirkni og skjótvirkni séu sem mest án þess að slegið sé af kröfum um flugöryggi. Hlúa
þarf að lagaumhverfinu svo það virki sem hvatning fyrir þá sem starfa að flugi að skrá
flugvélar hér á landi, sem og rekstrarfélögin.
Lokaorð
Við innganginn að húsakynnum Flugmálastjórnar Islands í Skógarhlíð er heimskort uppi
á vegg og á því línur og tákn - þjónustuleiðir íslenskra flugrekenda um heiminn og
tilheyrandi starfsstöðvar. Þar má sjá að starfssvið Flugmálastjórnar teygir víða anga sína.
Á árinu hafa orðið gríðarlegar breytingar á rekstri Flugmálastjórnar íslands þar sem
stofnunin hefur farið úr hlutverki rekstraraðila flugleiðsöguþjónustu og flugvalla og ein-
beitir sér nú alfarið að stjórnsýslu- og eftirlitsstarfsemi. Þetta þýðir þó ekki að dregið hafi
úr þjónustu stofnunarinnar við viðskiptavini sína heldur má segja að skilvirkni og lipurð
í þjónustu séu aðalsmerki stofnunarinnar.
Ef sami vöxtur verður á flugvélaflota Islendinga og verið hefur undanfarin ár má búast
við að vöxtur og vegur Flugmálastjórnar Islands haldist í takt við það en flugvélaflotinn
hefur vaxið úr 16-18 stórum loftförum fyrir 15-16 árum í 86 í dag. Ef við setjum þetta
myndrænt upp þá kæmust allar þotur Islendinga ekki fyrir samtímis við landgangana á
Kastrup-flugvelli sem sýnir glöggt hve hann er orðinn stór. Gaman er að benda á þær
áherslubreytingar sem orðið hafa í íslenskum flugrekstri en af þessum 86 þotum eru yfir
20 eingöngu í fragtflugi. Vorið 2005 skrifaði nemandi í viðskipta- og hagfræðideild
Háskóla íslands meistaranámsritgerð um útrás í flugi. Hann hafði rætt við flugrekendur
og aðra sem málið snerti og eitt af því sem þar kemur fram er að sveigjanleiki, þjónustu-
lipurð og afgreiðsluhraði hjá Flugmálastjórn íslands hefur skapað íslenskum leigu-
flugfélögum forskot í samkeppni á alþjóðamarkaði.
Greinin er að hluta til byggð á viðtnli við flugmálastjóra sem birtist í ritinu Samgöngur í págu
þjóðar sem samgönguráðuneytið gafút árið 2007.
1 4 4
Arbók VFl/TFl 2007