Árbók VFÍ/TFÍ - 01.06.2007, Blaðsíða 342

skilja á milli staðar og einkennis bæði til að auka öryggi og færanleika. Auk þess
er yfirvofandi skortur á vistföngum í IPv4.
• Beining. Nú er notuð fjarskiptaregla sem nefnd er „Boarder Gateway Protocol,
BGP". BGP hefur ýmsa galla, takmarkar frelsi þjónustuaðila internetsins, jafnar
sig hægt eftir feila, er ekki nægjanlega örugg og getur orðið óstöðug við vissar
aðstæður sem hefur beiningarsveiflur í för með sér.
• Oryggi. Intemetið er í slæmri stöðu hvað varðar öryggismál. DNS-þjónustan
(Domain Name Service) þarf að verða ömggari en nú er unnið að endurbótum.
Sannvottun (e. authentication) er ábótavant, sem og það að halda amapósti (e.
spam) í skefjum.
• Stýring og viðhald. Erfitt er að stýra internetinu eins og það er nú upp sett, það
vantar svonefnd OAM-færi (Operation Administration and Maintenance) eins og
til reiðu eru í venjulegum fjarskiptanetum. Með stýringu er t.d. átt við að beina
umferð eftir ákveðnum leiðum og eftir eðli umferðarinnnar.
• Þjónustutrygging (e. Quality of Service, QoS). Rannsóknasamfélagið og IETF
hafa unnið mikið starf að því að innleiða tækni sem styður þjónustutryggingar á
internetinu. Má þar nefna IntServ, DiffServ, MPLS og fl. Þrátt fyrir þetta miðast
nær öll þjónusta á netinu við bestu getu. Internetið býður upp á sambönd en gæði
þeirra eru langt undir þeim væntingum sem mótaðar voru til háhraðasambanda
á níunda áratugnum undir merkjum háhraða-ISDN, (Broadband Integrated
Services Digital Network, B-ISDN). Sumir telja að þessum vanda megi mæta með
því að auka sífellt getu (bitahraða) á internetsamböndum. Þetta er hægt að nokkru
leyti þar sem ljósleiðarar eru fyrir hendi, enda er bitahraði þeirra nærri ótak-
markaður. Hins vegar rekast menn á takmarkanir þegar komið er í netbúnað þar
sem verð fyrir bæði netskil og reiknigetu eru sterk föll af bitahraða.
• Lagskipt líkan fjarskiptareglu. ISO OSI-líkanið samanstendur af sjö lögum en
fyrir internetið reyndist það of þungt og ósveigjanlegt og er því lítið notað.
Algengast er að nota fimm laga líkan þegar fjallað er um intemetið. Endurskoðun
fjarskiptalíkansins gæti orðið nytsamleg, m.a. til að einfalda umferðarstjómun.
Jafnframt er hugsanlegt að fleiri lög komi fram til að ná fram auknum færanleika
fyrir notendur internetsins.
Ljóst er að fjarskiptastarfsemi snýst núorðið að miklu leyti um internetið. Búast má við
því að fjarskiptaþjónusta haldi áfram að flytjast á internetið en nú þegar eiga þar sér stað
mikil gagna- og talfjarskipti. Margs konar sjónvarpsþjónusta (t.d. Joost, YouTube) er
þegar komin fram á netinu og má gera ráð fyrir að sú þróun haldi áfram. Sjónvarp með
IP-tækni (IPTV) er komið fram víða um lönd og eru íslendingar í fararbroddi í þeirri
þróun. IPTV-merkjunum er dreift um sama netbúnað og almennri intemetumferð. Því er
líklegt að sjónvarpsdreifing færist í auknum mæli á internetið. Það getur þó ekki gerst
nema lausn finnist á þeim veikleikum sem nú hrjá netið og voru taldir upp hér að framan.
Af þessum sökum hafa nokkur evrópsk fjarskiptafélög unnið saman að því að mynda sýn
á internet framtíðarinnar, sýn sem nær til næstu 15-20 ára. Vinna þessi fór fram á sam-
starfsvettvangi fjarskiptafélaga sem nefndur er Eurescom [1] og var urtnin í samvinnu
ísraelska fjarskiptafélagsins Bezeq, Deutsche Telekom, ungverska félagsins Magyar
Telekom, Portugal Telecom, norska Telenor og Símans. France Télécom leiddi þessa vinnu
sem fram fór fyrri hluta árs 2007. í þessari grein verða nokkrar niðurstöður þessarar
vinnu kynntar en heildarniðurstöðurnar er hægt að nálgast á vef Eurescom [1].
3 4 0
Arbók V F í / T FI 2007