Árbók VFÍ/TFÍ - 01.06.2007, Blaðsíða 348
til viðskiptavinanna en að öll virðisaukandi þjónusta ofan á það verði á vegum þess sem
best býður á netinu öllu.
Þama vanmeta menn líklega að einhverju leyti styrk fjarskiptafyrirtækjanna, getu þeirra
til að aðlagast (þótt einhverjum finnist þau vafalaust gera það hægt) og aðstöðu þeirra til
að bjóða virðisaukandi þjónustu sjálf í samkeppni við hina nýju keppinauta. Sömuleiðis
verður ávallt verulegra fjárfestinga þörf í fjarskiptakerfum til að byggja upp flutnings-
getu og aðra þá eiginleika sem netið þarf að hafa til að unnt sé að veita alla þessa þjón-
ustu. Þar með er ljóst að hvaða virðiskeðjur sem verða ofan á þurfa þær að greiða fyrir
uppbyggingu og rekstur þessara kerfa með viðunandi arðsemi.
Tekjur fjarskiptafélaga koma að stærstum hluta frá talþjónustu, bæði í fasta netinu og
farsímanetum. Framan af voru þessar tekjur nýttar til að byggja upp gagnasambönd, að
stórum hluta fyrir internetfjarskipti. Grimm samkeppni dregur nú úr tekjum af farsíma-
þjónustu og einnig nýta menn internetið í auknum mæli til talfjarskipta, sem kosta not-
endur ekkert aukalega. Það verður því verkefni fjarskiptafélaga á næstu árum að finna
tekjulindir sem koma í stað hinna hefðbundnu en það er forsenda fyrir því að hægt verði
að byggja upp þau fjarskiptanet sem framtíðin krefst. Vöxtur internetumferðar er nú sem
fyrr mjög hraður og lýtur enn veldislögmáli. Vöxturinn nú stafar af fjarskiptum með
kvikmyndaefni, þ.á m. efni sem fólk býr til og dreift er frá aðilum á borð við Youtube.
Þetta efni keppir við hefðbundið kvikmyndaefni um tíma og athygli almennings. Einnig
er myndefni dreift ólöglega um internetið í nokkrum mæli. Líklegt er að kvikmynda-
iðnaðurinn bregðist við þessu með því að fækka milliliðum og muni hugsanlega setja
upp beina sölu til almennings. Þá yrði efni dreift á löglegan hátt um netið með svipuðum
aðferðum og nú eru notaðar fyrir ólöglega dreifingu.
Þessi aukna netumferð krefst mikillar uppbyggingar í aðgangs- og stofnnetum. Sú upp-
bygging getur ekki orðið nema fjarskiptafélögin fái tekjur af umferðinni eða þjónustu
henni tengdri. Það gæti t.d. gerst með því móti að félögin selji þjónustutryggingar þar
sem hraði er tryggður og seinkun og hvarfli er haldið innan marka. Slíkt gæti m.a. gerst
með nýjum aðferðum, t.d. stýringu flaums í stað einstakra pakka (e. flow aware net-
working).
Heimildir og tilvitnanir
[1] http://www.eurescom.eu
[2] Tanenbaum A., "Computer Networks", 4th edition, Prentice Hall 2003, ISBN 0-13-066102-3
[3] http://i3.cs.berkeley.edu/ - Host Mobility Using an Internet Indirection Infrastructure - Shelley Zhuang, Kevin Lai, lon
Stoica, Randy Katz, Scott Shenker - University of California, Berkeley
[4] John M. Cioffi, Sumanth Jagannathan, Mehdi Mohseni, George Ginis, "CuPON:The Copper Alternative to PON 100 Gb/s
DSL Networks", IEEE Communications Magazine, júní 2007
[5] White Paper, "The Exabyte Era", Cisco Systems Inc. 2007.
3 4 6
Arbók VFÍ/TFl 2007