Árbók VFÍ/TFÍ - 01.06.2007, Blaðsíða 86
í iðnaðargreinum öðrum en fiskiðnaði hefur starfsmönnum fækkað nokkuð á þessum
áratug en þar starfa nú rúmlega 16.000 manns. Mannvirkjagerð hefur hinsvegar tekið
vaxtarkipp á undanförnum árum og starfa þar nú allt að 19.000 manns, en árið 2003 var
fjöldi starfsmanna um 10.000. Störfum hefur einnig fjölgað í flestum þjónustugreinum.
Við verslun og viðgerðir störfuðu rúmlega 23.000 manns árið 2006 og hafði fjölgaði um
1.000 frá fyrra ári. I hótel- og veitingaþjónustu störfuðu um 7.000 árið 2006 og hafði
fjölgað yfir 700 manns. Við samgöngur starfa um 12.000 manns. Þar hefur orðið töluverð
fjölgun á undanförnum árum þótt hún hafi verið minni í fyrra en undanfarin ár. I
fjármálaþjónustu starfa ríflega 7.000 manns og hefur aukningin verið um 700 manns. Þá
hefur fjármálaþjónusta velt fiskveiðum úr sessi sem sú starfsemi sem greiðir starfs-
mönnum sínum hæst laun að meðaltali. Við ýmsa þjónustu við atvinnurekstur starfa um
15.000 manns, þótt fjölgun starfa árið 2006 hafi verið lítil. I annarri þjónustu starfa ríflega
10.000 og þar hefur vöxtur ekki heldur verið mikill. I þeim greinum þar sem hið opinbera
er fyrirferðarmest, stjómsýslu, fræðslustarfsemi og heilbrigðisþjónustu, starfa um 45.000
manns og þeim hefur á undanförnum árum fjölgað um 1.200 á hverju ári.
Atvinnuleysi hefur verið lítið undanfarin ár. í mars 2007 voru skráðir atvinnulausir um
1,3% af vinnuafli, sem er minnsta atvinnuleysisstig í 19 ár. Fjöldi atvinnulausra er nú um
2.000 og hefur þeim fækkað um 16% frá fyrra ári. Atvinnulausum konum hefur fækkað
um 20% en körlum um 10%. Fjöldi nýrra atvinnulausra hefur ekki verið minni á þessum
áratug. Þó fjölgaði þeim sem hafa verið atvinnulausir lengur en 26 vikur en eru samt
færri en þeir hafa verið undanfarin fimm ár. Reiknað er með því að atvinnuleysi aukist í
kjölfar samdráttar í einkaneyslu og fjárfestingu.
Laun og ráðstöfunartekjur
Á árinu 2006 hækkaði launavísitala Hagstofunnar um 9,5%, sem er umtalsvert meiri
hækkun en árið 2005. Þessi mikla hækkun launavísitölu átti sér stað þegar vinnuafls-
eftirspurn var með mesta móti, sem endurspeglaðist í litlu atvinnuleysi og miklum inn-
flutningi erlends vinnuafls. Samningsbundnar launahækkanir á árinu 2006 voru þó
nokkrar. Samkomulag ASÍ og SA í júní 2006 kvað á um 5,5% hækkun til handa starfs-
mönnum sem höfðu unnið hjá sama vinnuveitanda í eitt ár eða lengur. Sjá má á línuriti
hvernig launavísitalan hækkaði í kjölfar samkomulagsins. Þá voru áfangahækkanir
gildandi kjarasamninga í janúar 2007 almennt hækkaðar frá því sem upphaflega var
samið um. Línuritið sýnir hvernig launahækkanir fara vaxandi með ört minnkandi
atvinnuleysi og öfugt. Þá sýnir línuritið að launahækkanir í núverandi uppsveiflu eru
meiri en þær voru í síðustu uppsveiflu.
Launavísitala í hverjum mánuði 2001-2007.
Heimild: Hagstofa íslands.
Nýverið birti Hagstofa íslands launavísitölu eftir
starfshópum og starfstéttum á almennum vinnu-
markaði. Launahækkanir hafa almennt verið
nokkuð jafnar á milli starfstétta. Þó ber aðeins á milli
þeirra stétta sem hækkuðu mest og minnst á árinu
2006, en launahækkanir sérfræðinga voru að jafnaði
11.5% á árinu en launahækkanir iðnaðarmanna
8,8%. Hækkanir annarra starfstétta voru á bilinu
10-10,7%.
Til samanburðar má bera saman launaþróun ein-
stakra atvinnugreina á árinu 2006. Laun í samgöngu-
og flutningastarfsemi hækkuðu um 12,3%, í fjármála
og tryggingaþjónustu hækkuðu launin um 11,8%, í
byggingarstarfsemi og mannvirkjagerð hækkuðu þau
um 10,5%, í verslun og viðgerðaþjónustu um 9,1%
og laun í iðnaði að meðaltali um 9,6% á árinu 2006.
8 41 Arbók VFl/TFl 2007