Árbók VFÍ/TFÍ - 01.06.2007, Blaðsíða 178

Tryggvi Þór Haraldsson, forstjóri RARIK, segir að reiknað sé með að fjárfestingin geti
skilað sextán til tuttugu prósenta ávöxtun á ári. „Við förum í þetta verkefni með aðilum
sem hafa hagnaðarsjónarmið að leiðarljósi, rétt eins og við", segir Tryggvi. Ætlunin er að
skilja útrásarmálin og innlend þróunarverkefni frá hefðbundnum rekstri RARIK og setja
í sjálfstætt hlutafélag.
Burðarlega vélar 2 hífð á sinn stað.
fV', T
V *
Ný og betri Lagarfossvirkjun
Nýr áfangi Lagarfossvirkjunar var vígður
hinn 6. október 2007. í fyrri árbókum hefur
verið sagt frá undirbúningi og framkvæmd-
um en um er að ræða 20 MW stækkun. Um
sumarið og haustið 2006 var unnið við að
koma vélbúnaði nýja hverfilsins fyrir. Raf-
allinn kom til landsins í janúar 2007 og var
fluttur nær samdægurs frá Reyðarfirði að
virkjuninni, en hér var um 150 tonna þunga-
flutning að ræða. Sjálfur vegur rafallinn um
96 tonn. Niðursetning rafalans gekk vel og
gátu prófanir hafist um miðjan apríl. Spennir
fyrir nýju vélina var settur upp í maí og próf-
anir voru framkvæmdar í beinu framhaldi.
Nýja vélin var að mestu tilbúin í maí 2007 og
tengt var við netið í fyrsta sinn þann 18. maí,
en endanlegar prófanir gátu þó ekki farið
fram fyrr en í júlí.
Samkomulag var gert á milli fyrirtækjanna
RARIK og LV um að RARIK tæki að sér að
lækka klapparhaft ofan flóðgátta svo og að
rýmka flóðfarveg neðan þeirra, en það var
hluti mótvægisaðgerða vegna Kárahnjúka-
virkjunar. Var verk þetta unnið í mars og
apríl 2007 og var verktaki Myllan hf. á Egils-
stöðum. Um miðjan júní 2007 hafði aðal-
byggingarverktakinn ÍAV að mestu lokið við
verk sitt en þá voru aðeins eftir lagfæringar
og minniháttar frágangur á þeirra verk-
þáttum. Sumarið 2007 var unnið við prófanir
og stillingar á vél 2 og frágangi á húsi og
umhverfi og vígsla fór fram eins og fyrr sagði
hinn 6. október 2007.
Kostnaður við stækkun Lagarfossvirkjunar
var áætlaður 2.825 mkr. á verðlagi í janúar
2003, sem samsvarar um 3.400 mkr. á verð-
lagi í ágúst 2007. Bendir allt til þess að sú
kostnaðaráætlun standist og að verkið verði
jafnvel innan þeirra marka þrátt fyrir að
ráðist hafi verið í ýmsar aðgerðir sem ekki
voru á dagskrá í upphafi. Segja má að í
megindráttum hafi tímasetningar einnig
staðist þrátt fyrir seinkanir á einstökum verk-
þáttum. Þróunarsvið RARIK hélt utan um
1761 Árbók VFl/TFf 2007