Árbók VFÍ/TFÍ - 01.06.2007, Blaðsíða 293

Verulegur áhugi er meðal íslenskra fyrirtækja á innleiðingu verkefnastofa til að halda
utan um þekkingu og reynslu í verkefnastjómun, þróa þessa þekkingu og ná betri árangri.
Nokkur lokaverkefni fjölluðu um verkefnastofur. Anna Margrét Björnsdóttir [5] gerði
heildstæða úttekt á innleiðingu verkefnastofa í íslenskum fyrirtækjum, meðal annars með
því að senda spurningalista til yfirmanna þeirra. Verkefnastofur hérlendis eru fáar enn
sem komið er og eru flestar á upphafsstigum. Að mati yfirmamia er reynsla af verkefna-
stofum góð og betri hjá þeim sem starfað hafa um nokkurt skeið en hjá þeim sem eru
nýstofnaðar. Allir sem tóku þátt í könnuninni voru bjartsýnir á að verkefnastofurnar sem
þeir fara fyrir verði starfandi að þremur árum liðnum - en reynslan erlendis frá sýnir að
breytingar á hlutverki og skipulagi verkefnastofa em tíðar og oft em þær fremur skammlífar.
Ingibjörg S. Sigurðardóttir [6] skoðaði þá þætti sem helst stuðla að farsælli innleiðingu á
verkefnastofu með því að skoða tiltekið dæmi hjá íslensku fyrirtæki. Hún komst að því
að miklu skiptir að kanna í upphafi stöðu þekkingar og reynslu starfsfólksins með ítar-
legu sjálfsmati og haga þjálfun þess í samræmi við það stöðumat. Ingibjörg fjallaði einnig
um það í verkefni sínu hvernig hægt er að meta þörf fyrirtækis fyrir verkefnastofu út frá
lífsferli skipulagsheilda.
Þjálfun og þekkingaruppbygging í verkefnastjórnun eru mikilvægir málaflokkar enda
Verður verkefnastjórnun sífellt vinsælli sem alhliða stjórnunaraðferð í fyrirtækjum og
Stofnunum. Því skiptir miklu að ráðstafa fjármagni til þessara þátta á skynsamlegan og
niarkvissan hátt. Jafnframt er mikilvægt að hugtök og skilgreiningar fræðigreinarinnar
liggi skýrar fyrir, til dæmis hvað felst í starfsheitinu verkefnastjóri. Unnur Agústsdóttir
[7] skoðaði atvinnuauglýsingar á 12 mánaða tímabili 2006-2007 og greindi hvaða kröfur
um menntun og reynslu eru gerðar þegar auglýst er eftir verkefnastjórum. Hún komst
meðal annars að því að í mörgum tilfellum er ekki gert ráð fyrir að það fólk sem auglýst
er eftir sinni raunverulegri verkefnastjórnun; starfsheitið verkefnastjóri er oft notað til
þess eins að raða fólki í launaflokka. Unnur telur að með aukinni menntun í verkefna-
stjórnun og með fleiri alþjóðlega vottuðum verkefnastjórum verði þróunin í þá átt að
starfsheitið verði skilgreint með afgerandi hætti og að í vaxandi mæli verði gerðar kröfur
um menntun og vottun.
Guðný Bára Magnúsdóttir [8] gerði grein fyrir verkefnastjórnun við líffæraflutninga.
Mikill fjöldi starfsmanna kemur að líffæraflutningum, tími er afar dýrmætur og ávinn-
ingur mögulega ómetanlegur. Færð eru rök fyrir því að verkefnastjórnun við líffæra-
flutninga ætti að vera markviss og skilgreind aðferðafræði sem grundvallast á öguðum
vinnubrögðum sem miða að því að undirbúa, framkvæma og ljúka verkefnum ásamt því
að gaumgæfa siðferðilegar afleiðingar þeirra, ávinning og áhrifaþætti.
Bakiur Eiríksson [9] fjallaði um þjálfun í grundvallaratriðum verkefnastjórnunar. Hann
benti á að leiðin að því takmarki að kunna, skilja og geta sé oft erfið og seinfarin. Hann
varpaði fram þeirri spurningu hvort hægt væri að nota „skemmtilegar" aðferðir við
kennslu í verkefnastjórnun og létta leið nemenda á vit þekkingar og kunnáttu. Hann setti
fram hugmynd að borðspili til að kenna verkefnastjórnun, gerði grein fyrir hönnunarferli
slíks spils og útskýrði forsendur hugmyndar sinnar og væntan árangur.
Linda Rut Benediktsdóttir [10] gerði viðhorfskönnun hjá Símanum sem laut að því að
greina hvað eigendur verkefna, verkefnastjórar og þátttakendur í verkefnum telja mikil-
vægustu þætti í starfsþekkingu og færni verkefnastjóra. Niðurstöður Lindu voru
samhljóða niðurstöðum annarra rannsakenda þar sem ítrekað hefur komið í ljós að leið-
togahæfni og stjórnunarhæfni séu mikilvægari færniþættir en tæknileg þekking.
í grein Vals Knútssonar [11] er farið í saumana á því hvernig annars vegar má nýta áhersl-
ur í stefnumótunarfræðum til að bæta aðferðir verkefnastjórnunar í verkefnastýrðum
fyrirtækjum og hins vegar hvernig nýta má aðferðir verkefnastjórnunar til að bæta
árangur af markvissri stefnumótun og framkvæmd hennar í daglegum rekstri fyrirtækja.
Tækni- o g vísindagreinar
2 9 1