Árbók VFÍ/TFÍ - 01.06.2007, Blaðsíða 346

leyti af endabúnaði á heimilum og í fyrirtækjum er ljóst að þörf fyrir reiknigetu og
þar með orku mun halda áfram að aukast - nema til komi byltingarkenndar
nýjungar í rafrásum og kælibúnaði. Tölvur nota nú þegar um 4% af allri raforku
sem framleidd er í heiminum og 7% ef aðeins er horft til Bandaríkjanna. Sam-
kvæmt sumum spám mun þetta hlutfall verða tugir prósenta innan fárra áratuga.
• Tækjaþversögnin: Samruni ólíkra tækja heldur áfram. Við höfum þegar séð far-
símann yfirtaka hlutverk myndavélarinnar, vekjaraklukkunnar, armbandsúrsins,
tónlistarspilarans o.s.frv. Hin þversagnarkennda staðreynd er samt sú að um leið
eiga notendur sífellt fleiri tæki sem uppfylla sömu þarfir. Myndavélin í far-
símanum er kannski fín fyrir partímyndir, en í ferðalagið þarf „alvöru" tæki.
Walkman-síminn er ágætur í líkamsræktinni, en heima við viltu spila í græjunum
úr stóra tónlistarsafninu. Blackberry er frábær fyrir tölvupóstinn, en slappur sími
og ekki beinlínis tískuvara. Þannig hefur - þrátt fyrir aukna fjölhæfni tækja - hvert
tæki sína sterku og veiku punkta. Eftir því sem það verður auðveldara að deila
gögnum (s.s. símaskrá) milli tækja, fer tækið meira eftir tilefninu. Hvernig fer silfr-
aði síminn við rauðu skóna? Þreifingar tískumerkjanna Prada og Dolce &
Gabbana á farsímasviðinu bera þessu sterkt vitni.
Meðal annarra strauma sem greint var frá í skýrslunni má nefna aukin samskipti milli
nettengdra tækja (s.s. mælitækja, farartækja og raftækja), aukin áhersla á nytsemi (e.
usability) við hönnun, eignarhald á „bitum í stað hluta", netlæga vistun gagna o.fl.
Byggt á þessum straumum reyndu skýrsluhöfundar svo að gera sér grein fyrir því hvers
konar lausnir yrði líklegt að finna á netinu í ljósi slíkra breytinga. Ótal kenningar og
hugmyndir kviknuðu, en ákveðið var að draga fram nokkrar ólíkar lausnir sem sýndu
fjölbreytileika þess sem framtíðar-internetið gæti fært okkur.
Bílar á netinu
Meðal áhugaverðra lausnasviða sem rannsökuð voru var framtíð bílaumferðar og
hlutverk intemetsins í þeirri framtíðarsýn.
I nýjum bílum er gríðarlega mikill tæknibúnaður og í reynd margs konar samskipti sem
eiga sér stað innan bílsins milli véla- og rafkerfishluta. Þessi hluti hefur algerlega verið
drifinn áfram og þróaður af bifreiðaframleiðendum. Fjarskiptaiðnaðurinn hefur á sama
tíma þróað og byggt upp öflug fjarskiptakerfi sem styðja sífellt meiri gagnaflutning í
færanleg tæki.
Vaxandi áhugi er nú meðal þessara tveggja stóm viðskiptageira að taka höndum saman
og ná þannig fram nýjum lausnum sem hafa í för með sér hagræði bæði fyrir notendur
og samfélagið - með samskiptum milli bíla eða jafnvel við miðlæg kerfi. Þannig sjá menn
fyrir sér að hugsanlega muni bílar á sama svæði koma sér sjálfkrafa upp eins konar
staðameti. Þetta myndi gera hverjum bíl kleift að gera sér grein fyrir stöðu, hraða og
stefnu bílanna í kringum sig og jafnvel aðstæðum þeirra, eins og veggripi, undirlagi og
krafti. Með þessum hætti geta bílamir gefið ökumönnum mikilvægar viðvaranir og
ábendingar sem myndu draga úr hættu á slysum og minnka líkur á umferðarhnútum
sem stafa yfirleitt af flóknu samspili aðstæðna og óreglulegra sveiflna í aksturslagi og
umferðarþunga.
Slíkar upplýsingar myndu koma enn frekar að gagni ef samskiptum við miðlæga
umferðarstjóm er bætt við. Þannig er hægt að koma upplýsingum um vegavinnu og
lokanir, umferðarslys, akstursskilyrði, veðurhorfur og fleira i þeim dúr til stjómkerfa og
þar með ökumanna í bílunum sjálfum. Þetta eykur enn á hæfni kerfanna til að gefa góð
ráð og ábendingar á borð við það sem að ofan er nefnt.
3 4 41 Arbók VFl/TFl 2007