Árbók VFÍ/TFÍ - 01.06.2007, Blaðsíða 28
29. nóvember 2006 hélt Andrés Þórarinsson, framkvæmdastjóri Verkfræðistofunnar
Vista, erindi um sjálfvirka mæligagnasöfnun og framsetningu þeirra á vefsíðum sem
fyrirtækið hefur náð góðum tökum á. Hugbúnaðarkerfið Vista Data Vision er í notkun
víða um heim og annast framsetningu mæligagna, skýrslugerð og viðvaranir í
sjálfvirkum kerfum fyrir akuryrkju, eftirlit með vatnasviði, veðurfarsrannsóknir, eftirlit
með ástandi umferðarmannvirkja og háskólarannsóknir, svo eitthvað sé nefnt.
7. febrúar 2007 var farið í heimsókn til Vodafone þar sem Jóhann Friðgeir Haraldsson,
Reynir Valdimarsson og Stefán Gunnarsson kynntu starfsemi fyrirtækisins. Að lokinni
kynningu um fyrirtækið kynnti Jóhann Friðgeir umbreytingu á viðskiptakerfum sem
lýtur að því að sameina þau kerfi sem félögin sem runnu inn í Vodafone notuðu. Stefán
kynnti þráðlaus fjarskipti og þróun gagnaflutnings um GSM.
11. apríl var farið í heimsókn til Gagnaveitu Reykjavíkur, dótturfélags OR. Birgir Rafn
Þráinsson og félagar hans hjá Gagnaveitunni kynntu starfsemi og uppbyggingu
félagsins. Gagnaveita Reykjavíkur vinnur að því að byggja upp opið ljósleiðaranet í
Reykjavík og nágrannabyggðum. Samkvæmt samningi við Reykjavíkurþorg á að vera
búið að tengja öll heimili í Reykjavík fyrir árið 2012. Gagnaveita Reykjavíkur rekur
ljósleiðarakerfi en lætur öðrum eftir að bjóða þjónustu og er ekki í samkeppni við þá. Að
lokinni kynningu var kerfið skoðað í virkni í sýningaruppsetningu.
16. maí var farið í heimsókn í gagnamiðstöð Nova, sem er farsímafélag í eigu Novators
Nova og hefur á síðustu árum sett upp þriðju kynslóðar símkerfi til prufu, en fyrirtækið
átti nú nýlega hagstæðasta boð í rekstur slíks símkerfis. Jóakim Reynisson fræddi okkur
um allt sem snýr að kerfinu og sýndi búnað, síma og tölvur með mun meiri gagnahraða
en við eigum að venjast í dag. Við fengum einnig að skoða gagnaþjóna fyrirtækisins sem
er mjög skemmtilega komið fyrir í gömlu vatnstönkunum á móti Stýrimannaskólanum
við Háteigsveg.
Rafmagnsverkfræðingadeild VFÍ er félag sem er mjög ríkt af hefðum. Á síðustu árum
hafa þessar hefðir þó riðlast mikið og meginstarfsemin hefur færst frá erindum sem
haldin eru í Verkfræðingahúsi upp í heimsóknir til fyrirtækja og starfsemi þeirra skoðuð.
Þessi breyting er tímanna tákn og birtingarmynd þeirra breytinga sem orðið hafa á
þjóðfélaginu. Það hefur sýnt sig að félagsmenn þafa sýnt heimsóknum mun meiri áhuga,
en auk þess vilja fyrirlesarar mun frekar fá verkfæðinga í heimsókn til sín þar sem hægt
er að kynna starfsemina mun betur en hægt er með ræðu og kynningu á skjá. Það segir
sig sjálft að það er mun erfiðara að halda uppi hefðum eins og kynningum á nýjum
félögum og störfum skutulssveins, svo eitthvað sé nefnt, en það er þá spurning hvort
félagið eigi ekki að koma upp nýjum hefðum a nýjum tímum á sama tíma og reynt er að
halda í þær eldri eftir bestu getu.
Steingrímur Jónsson tormaður
Störf Orðanefndar RVFÍárið 2006
Starfsár Orðanefndar rafmagnsverkfræðinga (ORVFÍ) hófst á því að ræða efni bréfs, sem
barst í desember 2005 frá Alþingi, þar sem óskað var eftir athugasemdum og ábend-
ingum ORVFÍ um frumvarp til laga um sameiningu fimm stofnana í eina stofnun íslenskra
fræða - Árnastofnun. Umsögn Orðanefndar var skilað til Alþingis 12. janúar 2007.
í upphafi árs 2006 var haldið áfram og lokið við eftir þriðju umferð að ræða íðorð í 712.
kafla orðasafns International Electrotechnical Commission, IEC, sem fjallar um loftnet,
gerðir þeirra og útgeislunareiginleika og Gústav Arnar hafði frumþýtt. Fyrsta umfjöllun
um þennan kafla hófst í október 2004.
I lok janúar tók við á ný umfjöllun nefndarmanna um íðorðalista, sem Ivar Þorsteinsson
hafði komið með haustið áður og fjallar um sölu og dreifingu raforku, „ERGEG Customer
Focus Group Guidebook of Definitions, Version 2, September 19, 2005". Nefndin hafði
2 6 I Á r b ó k VFl/TFl 2007