Skagfirðingabók - 01.01.1975, Blaðsíða 100
SKAGFIRÐINGABOK
13.
StefÁn Stefánsson frá Heiði í Gönguskörðum, skóla-
meistari á Möðruvöllum, en síðar á Akureyri, var alþingismaður
Skagfirðinga árin 1900—1908. Hann var fæddur 1863 og þess
vegna þrjátíu og sjö ára, þegar hann hlaut kosningu. Fyrst var í
framboði gegn honum Jón Jónsson, hreppstjóri á Hafsteinsstöðum
og stóð á fimmmgu. Kjörfundur var að Litla-Garði. Á þeim dög-
um var kosið í heyranda hljóði, og sátu frambjóðendur í kjörstof-
unni, þegar bændur gengu fram hver af öðrum og kusu.
Nú bar svo við, að Markús Arason, bóndi í Eyhildarholti, seinna
á Ríp, gengur í kjörstofu. Hann var lágvaxinn maður og hvikur.
Markús hafði fengið sér neðan í því, og nú vendir hann sér rak-
leiðis til Stefáns, þar sem hann bíður atkvæða í sæti sínu, rekur
upp í hann fingurna, flennir út á honum munninn og gáir upp
í hann. Stefán spyr um leið og Markús sleppir takinu:
„Hvern fjandann ertu að gera upp í kjaftinn á mér?“
„Eg var bara að gá, hvort þú hefðir tanngalla,“ svarar Markús
og lætur sér hvergi bregða, „við hér í Nesinu kaupum ekki trippi,
sem hafa tanngalla.“
„Nú og hvernig leizt þér svo á?“ spyr Stefán.
„Jú, ég kýs þig,“ anzar Markús, „ég kýs þig lagsmaður."
14.
GottskÁlk Egilsson, sem sveitungar kölluðu gælunafn-
inu Gosa, bjó tæpa þrjá áratugi á Bakka í Vallhólmi. Hann lézt
1922. Ekkja hans bjó áfram á jörðinni og því næst sonur þeirra
hjóna. Arið 1930 hóf Arni Sveinsson, Gunnarssonar á Mælifellsá,
búskap á Bakka. Hann orti ýmsar vísur um sína daga og þótm
flestar kúnstugar. Þegar hann byrjaði heyskap á Bakka, hraut
honum af munni:
Fyrrum Gosi grasaði meir
og gat upp tosað krakka,
98