Skagfirðingabók - 01.01.1975, Blaðsíða 188
SKAGFIRÐINGABOK
Foreldrar mínir fluttusr að Sólheimum með Jóni bróður mín-
um; þar nutu þau aðhlynningar barna sinna. Móðir mín andaðist
12. október 1938 og var jarðsett á Miklabæ.
Guðrún Pétursdóttir, Víðivöllum
Guðrún Pétursdóttir var fædd á Reykjum í Tungusveit
29. september 1852. Hún giftist Sigurði Sigurðssyni á Víðivöll-
um 31. desember 1877.
Víðivellir voru mikið myndarheimili, með þeim fremstu í
Skagafirði. Fór þar saman góður húsakosmr á þeirrar tíðar mæli-
kvarða, falleg umgengni úti sem inni, mjög góður efnahagur og
hæfileikar húsráðenda að gera garðinn frægan.
Guðrún húsfreyja var mesta glæsikona, bæði í sjón og raun,
framkoman höfðingleg og frjálsleg.
Þau Víðivallahjón eignuðust 5 börn, sem upp komust, en 3
fyrstu börn þeirra dóu ung. Það var því mikill gleðidagur í lífi
þeirra, þegar Guðrún eignaðist tvíbura, Gísla og Lilju, sem voru
elzt þeirra, sem upp komust. Þessir tvíburar voru bæði hraust og
efnileg. Guðrún hélt alltaf hátíðlegt afmæli þeirra, meðan henni
entist aldur. Minntist hún fæðingardags þeirra sem bjartasta sólar-
geislans í lífi sínu; kallaði hann daginn sinn.
Þegar ég minnist Guðrúnar á Víðivöllum, þá er það tvennt,
sem ég man bezt sem barn: Hve barngóð hún var og gjafmild.
Það var æði oft, sem við yngri systkinin á Miklabæ komum suður
eftir. Þá hlynnti hún að okkur af alúð, við máttum leika okkur
eins og við vildum, frjáls og frí, með heimabörnunum, fósturbörn-
unum, sem voru á líku reki og við og voru alltaf góðir leikfélagar
okkar krakkanna á Miklabæ.
Fósturbörn þeirra hjóna voru fjögur: Guðrún Daníelsdóttir,
systurdóttir Sigurðar; Anna Þorsteinsdóttir, Ingibjörg Sigurjóns-
dóttir og Gunnar Valdimarsson, sem varð seinni maður Amalíu,
dóttur þeirra Víðivallahjóna. Guðrún húsfreyja veitti okkur af
sinni alkunnu rausn og breiddi sig yfir okkur öll, eins og góð
ungamóðir.
186