Skagfirðingabók - 01.01.1975, Blaðsíða 173
FLJÓT í SKAGAFIRBI Á NÍTJANDU ÖLD
8.
Skipting Holtshrepps
Allt frá upphafi hreppaskiptingar voru Fljót einn hrepp-
ur, ýmist nefndur Fljótahreppur eða Floltshreppur og þá kenndur
við Holt eða Stór(a)holt, sem löngum var þingstaður hreppsins.
I daglegu tali var hreppurinn einfaldlega nefndur „Fljót“ alla 19.
öld og vísast löngum fyrr, og enn er sveitin nefnd þessu nafni.
Snemma hefur borið á því, að hreppnum væri skipt og er afar
algengt í heimildum, að rætt sé um Vesturfljót og Austurfljót,
en sú skipting er mjög óformleg. I manntalinu 1703 sést, að
Fljótum er skipt í fimmtunga, en þó vill svo undarlega til, að
fimmtungarnir eru sex að tölu:
„Hrauna-fimtungur
Holts-fimtungur
Stíflu-fimtungur
Brekku-fimtungur
Flókadals-fimtungur
Bakka-fimtungur.“1
Sennilegt er, að þessi skipting sé þannig til komin, að hinum
stóra hreppi hafi verið skipt niður í umráðasvæði hreppsnefndar-
manna, en fimmtungaskiptingin virðist ekki vera viðhöfð á 19.
öld.
Um 1880 kemur til alvarlegrar umræðu í Fljótum að skipta
hreppnum í 2 sveitarfélög, en gera má ráð fyrir, að málið hafi
þróazt og verið rætt manna á meðal um nokkurt skeið, áður en
til þessa kom. Hinn 7. febrúar er boðað til aukafundar hrepps-
nefndar, en oddvita hafði þá borizt bréf frá 14 bændum, ritað 3.
sama mánaðar, þar sem farið var fram á, að hreppsnefnd fjallaði
um skiptingu hreppsins í 2 sveitarfélög og afgreiddi málið annað-
hvort með atkvæðagreiðslu hreppsnefndar einnar skv. tilskipun
um sveitastjórn 4. maí 1872, 23. gr. eða á almennum fundi á
þingstaðnum. I þetta sinn reyndist ekki unnt að fá úr málinu
171