Skagfirðingabók - 01.01.1975, Blaðsíða 162
SKAGFIRBINGABÓK
Við Haganesvík í Fljótum skal vera löggiltur verzlunarstaður.
Eptir þessu eiga allir hlutaðeigendur sjer að hegða.
Gefið á Amalíuborg, 18. desember 1897
Undir Vorri konunglegu hendi og innsigli.
Christian R.
( L.S. )
Rump.
Með þessum lögum opnaðist leið til aukins sjálfstæðis Fljóta,
en með fastri verzlun í Haganesvík, stórminnkaði erfiði íbúanná
við aðdrátt og afurðaflutninga. En sem fyrr segir, var þetta ekki
komið í framkvæmd fyrir aldamót.
Hér skal að lokum getið þess háttar samgangna, sem tryggði
samband Skagfirðinga, og þar með Fijótamanna, við önnur byggð-
arlög, en þar eru fastar áætlunarferðir eða strandferðir gufuskipa,
sem hófust undir aldarlok.
Arið 1893 kom fram á sýslunefndarfundi tillaga um, að tekn-
ar yrðu upp gufubátaferðir milli Skagafjarðar og Eyjafjarðar og
innan þeirra. Til undirbúnings máli þessu var kjörin sérstök nefnd,
sem falið var að vinna að málinu í samvinnu við hliðstæðar nefnd-
ir úr Eyjafirði og Þingeyjarsýslu.23
Ekkert varð úr framkvæmdum næstu árin, og gufuskipaferða
er ekki getið á ný fyrr en árið 1896, en þá kemur fram í sýslu-
fundargerð frá 10. apríl, að samið hafi verið við Thor E. Tulinius
í Kaupmannahöfn um ferðir 120 lesta gufuskips meðfram Austur-
og Norðurlandi. Skip þetta átti að taka 62 farþega, og gang-
hraði þess var sagður 10—11 hnútar á sjötta hluta úr sólarhring.
Ferðir áttu að hefjast 4. maí og standa til 10. október. I þessu
sambandi gerir sýslunefnd þá kröfu, að gufuskipið fjölgi við-
komustöðum í Skagafirði, meðal annars komi það við á Haganes-
vík.24 Ekki hefur útgerðin orðið við þessari kröfu, og þegar
samið er við Tulinius árið eftir, kemur á ný fram krafa um fjölg-
un viðkomustaða.25 Skipið breytir ekki út af fyrri áætlun, og
160