Skagfirðingabók - 01.01.1975, Blaðsíða 163
FLJÓT í SKAGAFIRÐI Á NÍTJÁNDU ÖLD
Fljótamenn verða leiðir á þessu þófi. Þeir halda fund 19. septem-
ber 1897 og ræða meðal annars þetta mál. I bréfi hreppstjóra til
sýslumanns frá 20. september s. á., er skorað á hann að koma því
til leiðar, að gufuskipið
„hafi viðkomustað í hverri ferð fram og aptur á Haga-
nesvík. Kom þetta mál til umræðu á mjög fjölsóttum
kirkjufundi á Stórholti í gær og þar athugaðar þær ástæð-
ur, að um Haganesvík og í námunda við hana liggur
mannmörg sveit sem hefur á aðra hlið sjer háan fjall-
garð og erfiðan yfirferðar til næsta kauptúns og á hina
hliðina alllangan veg strandleingis til kauptúns þeim
megin. Hjerumbil allir flutningar til og frá Fljótum eru
því sjóleiðina — með því líka að sveitin er mjög hestfá
— jafnvel þó hún opt sje slæm og jafnvel hætmleg á
bátum, og er það eitt nægileg ástæða til, að binda þá
sveit svo föstum böndum við strandferðir báta sem kost-
ur er á. En auk þess er þar trygg og góð höfn fyrir við-
komustað og örstutt úr leið fyrir skipin að hlaupa inná
hana í hvert sinn.“20
Oneitanlega skýtur nokkuð skökku við, að Haganesvík skuli
kölluð „trygg og góð höfn“, en eins og áður hefur komið fram
í kafla um fiskveiðar, var hafnaraðstaða öll í Fljómm svo slæm,
að fiskveiðar voru m. a. af þeim sökum að leggjast niður í sveitinni
á þessum árum. I ákafa sínum að tengjast strandferðum hafa
Fljótamenn leitt þá staðreynd hjá sér.
Óljóst er, hver úrslit þessa máls urðu, en þó má telja víst, að
gufuskip hafi tekið að hafa viðkomu í Haganesvík, og á sýslu-
nefndarfundi 5. marz árið 1900 var gufuskipamál enn á dagskrá.
Þá höfðu verið teknar upp ferðir milli Reykjavíkur og Akureyr-
ar, en amtmaður biður fundinn að gera tillögur um viðkomu
bátsins í Skagafirði. I þeim segir m. a., að til viðbótar því, sem
þegar sé getið í áætlun skipsins, sé eftir því óskað, að skipið komi
á Haganesvík í báðum leiðum, að norðan og sunnan, í fyrstu og
íx
161