Skagfirðingabók - 01.01.1975, Blaðsíða 160
SKAGFIRÐINGABOK
en fjallveg, en áherzlan, sem lögð var á lagningu hans, sýnir, hve
háðir Fljótamenn voru sambandi við Siglufjörð. Atti það bæði við
um verzlun og einnig útgerð, er líða tók á öldina, og milli Siglu-
fjarðar og Fljóta voru órofa tengsl, enda þótt yfir sýslumörk væri
að fara.
Fljótamenn tóku jafnframt þátt í vegabótum innan Skaga-
fjarðar og lögðu fé í sameiginlega vega- og brúarsjóði, einkum
í Austur-Skagafirði, þar sem unnið var að því að gera greiðfæra
leið innan sveita og milli þeirra. Allar þessar vegabætur og fram-
kvæmdir við brúarsmíði standa í sambandi við verzlun, en verzl-
unarstaðir voru fáir og nauðsynlegt að greiða leiðir til þeirra. Hin-
um meiri verzlunarstöðum fjölgar ekki á öldinni, og áfram urðu
Fljótamenn að sækja langt til þess að fá kaupstaðarvöru og selja
afurðir sínar.
Arið 1870 kemur upp verzlunarbótahreyfing í Skagafirði, og
er svo frá sagt í Annál 19. aldar:
„15. febrúar var fundur haldinn að Asi í Hegranesi. Var
þar ályktað að útvega lausakaupmann á Sauðárkrók, einn
eða fleiri, og svo í öðru lagi að gera Gefjun, skip þeirra
Siglfirðinga og Fljótamanna, út með vörur til útlanda,
helzt til Noregs, á næstkomandi hausti, ef nægar inn-
lendar vörur fengjust til fararinnar."16
Skipið Gefjun eða Gefion var 50 lesta frönsk fiskiskúta, sem
laskaðist í óveðri og var síðan siglt í strand við Siglufjörð um eða
fyrir 1870. Snorri Pálsson, Einar á Hraunum og Jón Loftsson
skipstjóri keyptu flakið og létu gera það upp, en hin fyrirhugaða
kaupferð hefur aldrei verið farin. Hins vegar var skipið notað
í tvö eða þrjú ár til hákarla- og þorskveiða, en síðan selt Gránu-
félaginu, sem notaði það til millilandaferða.17 Gefjun fórst við
Olafsfjarðarmúla í óveðri hinn 28. nóvember 1877, og með henni
öll áhöfnin.18
Fyrsta verzlun, sem um getur í Fljótum, er sveitaverzlun Ein-
158